ސޯޝަލް މީޑިޔާގައި ބަރަހަނާ ފޮޓޯ އާންމުކުރަމުންދިޔަ މީހަކު ހައްޔަރުކޮށްފި
1 ސެޕްޓެމްބަރު 2022 | ބުރާސްފަތި 02:09ކޯޓު އަމުރެއްގެ ދަށުން ހައްޔަރުކޮށްފައިވަނީ އުމުރުން 37 އަހަރުގެ ދިވެހި ފިރިހެނެއް
މޯލްޑިވްސް ޕޮލިސް ސާވިސްގެ ހެޑް ކުއާޓާރ، ޝަހީދު ހުސެއިން އާދަމް ބިލްޑިންގ
ސޯޝަލް މީޑިއާގައި އާންމު އިޖުތިމާއީ މިންގަނޑާއި ޚިލާފު ފޮޓޯތަކެއް އާންމު ކުރަމުން ދިޔަ ދިވެއްސަކު ހައްޔަރުކޮށްފިއެވެ.
އެކަމާއި ގުޅޭގޮތުން ފުލުހުން ބުނީ މިމައްސަލައިގައި ކޯޓު އަމުރެއްގެ ދަށުން ހައްޔަރުކޮށްފައިވަނީ އުމުރުން 37 އަހަރުގެ ދިވެހި ފިރިހެނަކު ކަމަށެވެ. އެމީހާ ހައްޔަރުކޮށްފައިވަނީ ބުދަ ދުވަހުއެވެ.
ހައްޔަރުކޮށްފައި މިވަނީ ޓިކްޓޮކްގައި އެފަދަ ވީޑިއޯތައް އާންމުކުރަމުން އަންނަ މީހެކެވެ. އޭނާ ވަނީ މިދިޔަ އަހަރު ތެރޭގައިވެސް މިފަދަ މައްސަލައެއްގައި ހައްޔަރު ކުރުމަށް ފަހު ދޫކޮށްލާފައެވެ. އެފަހަރު އޭނާ ދޫކޮށްލީ ޝަރުތުތަކަކާ އެކުއެވެ.
އޭގެ ފަހުން އަނެއްކާ ވެސް ޓިކްޓޮކްގައި އެފަދަ ފޮޓޯތަކާއި ވީޑިއޯތައް އާންމު ކުރަން ވަނީ ފަށާފައެވެ.
ފުލުހުން ބުނީ މިމައްސަލަ ތަހުގީގު ކުރަމުންދާ ކަމަށެވެ.
