ސޯޝަލް މީޑިއާގައި ޝެއަރ ކުރި ޕޯސްޓުތަކަކާއި ގުޅިގެން ސައުދީ އަންހެނަކު 45 އަހަރަށް ޖަލަށް ލާން އެގައުމުގެ ކޯޓަކުން ހުކުމްކޮށްފިިއެވެ.
ނޫރާ އަލް-ޤަތާނީ ނަމަކަށް ކިޔާ އަންހެނަކު ޖަލަށް ލާން ހުކުމް ކޮށްފައިވަނީ އިންޓަރނެޓް މެދުވެރިކޮށް މުޖުތަމައުގެ ބައިބައިކުރަން މަސައްކަތްކުރުމުގެ ކުށުގައާއި، މުޖުތަމައުގެ ހަމަތަކާއި ޚިލާފުވިކަމުގެ ކުށުގައެވެ.
މި ކުށުގައި އޭނާ ބަންދުކޮށްފައިވަނީ 2021 ވަނަ އަހަރުގެ ޖުލައި މަހުއެވެ. އަދި އޭނާގެ މައްޗަށް ހުކުމް ކޮށްފައިވަނީ ފާއިތުވި ހަފްތާ ތެރޭގައި ކަމަށް ނޫސްތަކުގައި ރިޕޯޓުކޮށްފައިވެއެވެ.
މިކަން ހިނގުމުގެ މަހެއްހާ ދުވަސް ކުރިން ޓްވިޓަރގައި އެކްޓިވިސްޓުން ތަކަކަށް ފޮލޯ ކޮށް ރީޓްވީޓް ކުރި މައްސަލައިގައި އެގައުމުގެ އިތުރު އަންހެނެއް ކަމަށްވާ ސަލްމާ އަލް-ޝެހާބް ވަނީ 34 އަހަރަށް ޖަލަށް ލާން ހުކުމް ކޮށްފައެވެ. އަދި 34 އަހަރަށް ގައުމުން ބޭރަށް ދިއުންވެސް ވަނީ މަނާކޮށްފައެވެ.
