ސިވިލް ކޯޓުގެ ގާޒީގެ މަގާމަށް 8 މީހަކު ކުރިމަތިލައިފި
29 އޯގަސްޓު 2022 | ހޯމަ 13:55މި މަގާމަށް ކުރިމަތިލުމަށް ހުޅުވާލީ މިމަހުގެ 15 ގައި
ޖަސްޓިސް ބިލްޑިންގ
ސިވިލް ކޯޓުގެ ގާޒީގެ މަގާމަށް 8 މީހަކު ކުރިމަތިލައިފިއެވެ.
ސިވިލް ކޯޓަށް ގާޒީއަކު ހޯދުމަށް ޖުޑީޝަލް ސަރވިސް ކޮމިޝަން (ޖޭއެސްސީ) އިން އިއުލާނުކުރީ މިމަހުގެ 15 ވަނަ ދުވަހުއެވެ. މި މަގާމަށް ކުރިމަތިލުމުގެ މުއްދަތު ހޯމަ ދުވަހު ހަމަވެފައިވާއިރު ޖޭއެސްސީން ބުނީ މި މަގާމަށް 8 މީހަކު ކުރިމަތިލާފައިވާކަމަށެވެ. އެއީ:
ސިވިލް ކޯޓުގެ ގާޒީއެއްގެ އަސާސީ މުސާރައަކީ މަހަކު 30,000.00 ރުފިޔާއެވެ. އަދި ލިވިންގ އެލަވަންސް ގޮތުގައި މަހަކު 15,000.00 ރުފިޔާ ލިބޭއިރު، ރިސްކް އެލަވަންސް ގޮތުގައި މަހެއްގެ މައްޗަށް 1،650.00 ރުފިޔާ ލިބެއެވެ.
އޭގެ އިތުރުން، ޤާނޫނު ނަންބަރު 2010/13 (ދިވެހިރާއްޖޭގެ ފަނޑިޔާރުންގެ ޤާނޫނު) ގައިވާ ގޮތުގެމަތިން ރައްޔިތުންގެ މަޖިލީހުންް ކަނޑައަޅާފައިވާ ގޮތުގެމަތިން މެޑިކަލް އިންޝުއަރެންސް އާއި ފޯނު އެލަވަންސް ލިބޭނެކަމަށްވެސް ޖޭއެސްސީ އިން މައުލޫމާތުދެއެވެ.
