އޭދަފުށްޓާއި ވެލިދޫ އެއްވަރު
ހޯމަ ދުވަހު ވާދަކުރާނީ ބަޒޫކާއާއި ހިންނަވަރު
ވެލިދޫއާއި އޭދަފުށި ވާދަކުރި މެޗުގެ ތެރެއިން
ހިންނަވަރުގައި ކުރިއަށްދާ ހިންނަވަރު ފުޓްބޯލް ޗެމްޕިއަންޝިޕްގައި ކްލަބް އޭދަފުށްޓާއި ވެލިދޫ އެއްވަރުވެއްޖެއެވެ.
ވެލިދޫ ސްޕޯރޓްސް ކްލަބާ އޭދަފުށި ވާދަކުރި މެޗު އެއްވަރުވީ 1-1 ނެވެ. ކްލަބް އޭދަފުށީގެ ލަނޑު ޖެހީ އިޝާން އިބްރާހީމް (ސައްޓު) އެވެ. ވެލިދޫ ޓީމްގެ ލަނޑު ޖެހީ ސާއިމް މުޙައްމަދެވެ. މެޗުގެ މޮޅު ކުޅުންތެރިއަކީ ވެލިދޫ ޓީމްގެ ކީޕަރު އަލީ ނާޖިހުއެވެ. މުބާރާތުގައި ކްލަބް އޭދަފުށި ވަނީ ފުރަތަމަ މެޗުގައި ހިންނަވަރު އަތުން ބޮޑު މޮޅެއް ހޯދާފައެވެ. ވެލިދޫ ފުރަތަމަ މެޗުގައި ބަޒޫކާ ސްޕޯރޓްސް ކްލަބާ ވާދަކޮށްވެސްވީ އެއްވަރެވެ.
މުބާރާތުގައި ހޮނިހިރު ދުވަހު ކުޅުނު މެޗު ބަޒޫކާ ސްޕޯރޓްސް ކްލަބާ ވާދަކޮށް 7-0 ން ކާމިޔާބުކުރީ ނައިފަރު ޗެލްސީއެވެ. މުބާރާތުގައި ހޯމަ ދުވަހު ވާދަކުރާނީ ހިންނަވަރު ސްޕޯރޓްސް ކްލަބާއި ބަޒޫކާ ސްޕޯރޓްސް ކްލަބެވެ.
