ޓެކްސް ބޮޑުކުރުމަށް ހުށަހަޅާފައިވާ ބިލާއެކު 3 ބިލެއް މަޖިލީހަށް ހުށަހަޅައިފި
28 އޯގަސްޓު 2022 | އާދީއްތަ 13:49މަޖިލީހުގެ މިއަހަރުގެ 3 ވަނަ ދައުރަށް 30 ބިލެއް ހުށައެޅުމަށް ނިންމާފައިވޭ
ފަތުރުވެރިންތަކެއް
ޓެކްސް ބޮޑުކުރުމަށް ގާނޫނަށް ހުށަހަޅާ އިސްލާހުގެ ބިލު މަޖިލީހަށް ފޮނުވައިފިއެވެ.
އެޓަރނީޖެނެރަލްގެ އޮފީހުން ބުނީ ރައްޔިތުންގެ މަޖިލީހަށް 3 ބިލެއް ފޮނުވާފައިވާއިރު، މީގެތެރޭގައި ޓޫރިޒަމާބެހޭ ގާނޫނަށާއި، މުދަލާއި ޚިދުމަތުގެ އަގުން ޓެކްސް ނެގުމުގެ ގާނޫނަށާއި ފަނޑިޔާރުންގެ ގާނޫނަށް އިސްލާހު ގެނައުމަށްޓަކައި ސަރުކާރުގެ ފަރާތުން ރައްޔިތުންގެ މަޖިލީހަށް 3 ބިލެއް ފޮނުވާފައިވާކަމަށެވެ.
ޓެކްސް ބޮޑުކުރުމަށް ނިންމާފައިވަނީ އަންނަ އަހަރުގެ ޖެނުއަރީ 1 ވަނަ ދުވަހުން ފެށިގެންނެވެ. ގުޑްސް އަދި ސަރވިސް ޓެކްސް (ޖީއެސްޓީ) 8 އިންސައްތައަށް ބޮޑުކޮށް، ޓުއަރިޒަމް ގުޑްސް އެންޑް ސަރވިސް ޓެކްސް (ޖީއެސްޓީ) 16 އިންސައްތައަށް ބޮޑުކުރަން ނިންމާފައިވާކަމަށް ފިނޭންސް މިނިސްޓަރު އިބްރާހިމް އަމީރު ވަނީ މީގެކުރިން ހާމަކުރައްވާފައެވެ. އަމީރު ވިދާޅުވީ، މެދު ރާސްތާގެ ފިސްކަލް ހާލަތު ދެމެހެއްޓިނިވި މިންގަނޑެއްގައި ބެހެއްޓުމަށް ފިސްކަލް އެންކަރތައް ކަނޑައެޅިފައިވާ ކަމަށެވެ. ބަދަލުވެފައިވާ ދުނިޔޭގެ އިގުތިސާދީ އަދި މާލީ ހާލަތާއެކު، މި ފިސްކަލް އެންކަރތައް ދެމެހެއްޓުމަށް ފިޔަވަޅުތައް އަޅަންޖެހޭ ކަމަށާއި، އެގޮތުން އާމްދަނީއާއި ޚަރަދުގެ ފިޔަވަޅުތަކެއް އެޅުމަށް ނިންމާފައިވާކަމަށެވެ.
މިނިސްޓަރު ވިދާޅުވީ، އާމްދަނީގެ ފިޔަވަޅުތަކުގެ ތެރޭގައި ޓީޖީއެސްޓީ ރޭޓު 16 އިންސައްތައަށް، އަދި ޖީއެސްޓީ ރޭޓު 8 އިންސައްތައަށް ބޮޑުކުރުމަށް ނިންމާފައިވާކަމަށެވެ. ޖީއެސްޓީއާއި ޓީޖީއެސްޓީ ބޮޑުކުރުމަށް ނިންމާފައިވީނަމަވެސް، އެކަމަށް އަމަލުކުރަން ފަށާނީ އަދި 6 މަސްދުވަސް ފަހުން ކަމަށްވެސް މިނިސްޓަރު ވިދާޅުވިއެވެ.
ސަރުކާރުގެ ފަރާތުން ރައްޔިތުންގެ މަޖިލީހުގެ މިއަހަރުގެ 3 ވަނަ ދައުރަށް 30 ބިލެއް ހުށައެޅުމަށް ނިންމާފައިވާކަމަށް ބަންޑާރަނައިބުގެ އޮފީހުން ބުނެފައިވެއެވެ. އެ އޮފީހުން ބުނެފައިވަނީ، މި ދައުރަށް ހުށަހަޅަން ގަސްދުކުރާ ބިލުތަކުގެ ލިސްޓު ރައީސުލްޖުމްހޫރިއްޔާގެ އޮފީހުން ބުދަ ދުވަހު ވަނީ މަޖިލީހަށް ފޮނުއްވާފައިކަމަށެވެ.
އޭގެތެރޭގައި، ދިވެހިރާއްޖޭގެ ޓުއަރިޒަމާބެހޭ ގާނޫނަށް އިސްލާހު ގެނައުމުގެ ބިލާއި، މުދަލާއި ޚިދުމަތުގެ އަގުން ޓެކްސް ނެގުމުގެ ބިލާއި، ދިވެހިރާއްޖޭގެ ފަނޑިޔާރުންގެ ގާނޫނަށް އިސްލާހު ގެނައުމުގެ ބިލާއި، ޖިނާއީ އިޖުރާއަތުގެ ގާނޫނަށް އިސްލާހު ގެނައުމުގެ ބިލާއި، ދިވެހިރާއްޖޭގެ ގާނޫނުލްއުގޫބާތަށް އިސްލާހު ގެނައުމުގެ ބިލު ހިމެނެއެވެ. މީގެ އިތުރުން، ޖިނާއީ މައްސަލަތަކުގައި ގާނޫނީ އެހީތެރިކަން ބަދަލުކުރުމުގެ ގާނޫނަށް އިސްލާހު ގެނައުމުގެ ބިލުވެސް ހިމެނެއެވެ.
އޭޖީ އޮފީހުން މަޖިލީހުގެ މިއަހަރުގެ 3 ވަނަ ދައުރަށް ހުށައަޅާ ބިލުތަކުގެ ތެރޭގައި، މަސްތުވާތަކެއްޗާބެހޭ ގާނޫނަށް އިސްލާހު ގެނައުމުގެ ބިލާއި، ގޭންގް ކުށްތައް މަނާ ކުރުމާބެހޭ ގާނޫނަށް އިސްލާހު ގެނައުމުގެ ބިލުވެސް ހިމެނެއެވެ.
އޭގެ އިތުރުން، ބިރު ދެއްކުމާއި، ނުރައްކާތެރި ހަތިޔާރާއި، ތޫނު އެއްޗެހި ގެންގުޅުން މަނާ ކުރުމުގެ ގާނޫނަށް އިސްލާހު ގެނައުމުގެ ބިލުވެސް ހުށައެޅުމަށް ވަނީ ނިންމާފައެވެ.
އަދި ޓެރަރިޒަމް މަނާކުރުމުގެ ގާނޫނަށް އިސްލާހު ގެނައުމާއި، މަނީ ލޯންޑަރިންގއާއި ޓެރަރިޒަމަށް ފައިނޭންސް ކުރުން ހުއްޓުވުމުގެ ގާނޫނަށް އިސްލާހު ގެނައުމުގެ ބިލާއި، މޯލްޑިވްސް ހެލްތު ސަރވިސް ބިލާއި، ސިއްހީ ޚިދުމަތް ދިނުމުގެ ގާނޫނަށް އިސްލާހު ގެނައުމުގެ ބިލާއި، ހައްޖާއި އުމްރާގެ ބިލުވެސް ހިމެނެއެވެ. މީގެއިތުރުން، ޒަކާތުގެ ބިލާއި، ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނަށް އިސްލާހު ގެނައުމުގެ ބިލުވެސް ހިމެނެއެވެ.
މަޖިލީހުގެ މިއަހަރުގެ 3 ވަނަ ދައުރަށް ހުށަހަޅާ ބިލުތަކުގެ ތެރޭގައި، އާމްދަނީން ޓެކްސް ނެގުމުގެ ގާނޫނަށް އިސްލާހު ގެނައުމުގެ ބިލާއި، ފޮރިން އިންވެސްޓްމަންޓު ބިލާއި، މަސައްކަތުގެ މާހައުލުގެ ސަލާމަތާއި ރައްކާތެރިކަމުގެ ބިލާއި، އިންޑަސްޓްރިއަލް ރިލޭޝަންސްގެ ބިލާއި، އާއިލާއާބެހޭ ގާނޫނަށް އިސްލާހު ގެނައުމުގެ ބިލާއި، ގެވެށި އަނިޔާ ހުއްޓުވުމުގެ ގާނޫނަށް އިސްލާހު ގެނައުމުގެ ބިލާއި، ނުކުޅެދުންތެރިކަން ހުންނަ މީހުންގެ ހައްގުތައް ރައްކާތެރިކުރުމާއި މާލީ އެހީތެރިކަން ފޯރުކޮށްދިނުމުގެ ގާނޫނަށް އިސްލާހު ގެނައުމުގެ ބިލާއި، ދިވެހި ރާއްޖޭގެ ކުޅިވަރުގެ ގާނޫނަށް އިސްލާހު ގެނައުމުގެ ބިލުވެސް ހިމެނެއެވެ.
އޭގެއިތުރުން، ހެތްކާބެހޭ ގާނޫނަށް އިސްލާހު ގެނައުމުގެ ބިލާއި، މޯލްޑިވްސް މީޑިއާ އެންޑް ބްރޯޑްކާސްޓިންގ އޮތޯރިޓީގެ ބިލާއި، އަބުރާ ބެހުމުގެ ސަބަބުން ލިބޭ ގެއްލުމުގެ ބަދަލު ނަގައިދިނުމުގެ ބިލާއި، ގާނޫނީ ފަންނުގެ ގާނޫނަށް އިސްލާހު ގެނައުމުގެ ބިލާއި، ގާނޫނީ އެހީތެރިކަން ފޯރުކޮށްދިނުމުގެ ބިލުގެ އިތުރުން، ޕޯޓުތައް މެނޭޖް ކުރުމުގެ ބިލުވެސް ހިމެނެއެވެ.
