ޤާސިމްގެ ސިއްހީ ހާލުކޮޅު ރަނގަޅު: ޖޭޕީ
ސަން އައިލެންޑްގައި ހުންނަވަނިކޮށް ގާސިމްގެ ހާލުކޮޅު ދެރަވެ އިމާޖަންސީގައި ފަރުވާ ދިނުމަށް ޑޮކްޓަރުންގެ ޓީމެއް އެ ރަށަށް ފުރާފައިވާ ކަމަށް އަޑުފެތުރިފައިވޭ
ޖުމްހޫރީ ޕާޓީގެ ލީޑަރ ގާސިމް އިބްރާހީމް
ޖުމްހޫރީ ޕާޓީގެ ލީޑަރު އަދި ރައްޔިތުންގެ މަޖިލީހުގެ މާމިނގިލި ދާއިރާގެ މެމްބަރ ގާސިމް އިބްރާހިމްގެ ހާލުކޮޅު ރަނގަޅު ކަމަށް އެ ޕާޓީ އިން ބުނެފިއެވެ.
އެ ޕާޓީ އިން މިހެން ބުނީ ސަން އައިލެންޑްގައި ހުންނަވަނިކޮށް ގާސިމްގެ ހާލުކޮޅު ދެރަވެ އިމަރޖެންސީގައި ފަރުވާ ދިނުމަށް ޑޮކްޓަރުންގެ ޓީމެއް އެ ރަށަށް ފުރާފައިވާ ކަމަށް އަޑުފެތުރުމުންނެވެ.
އެވާހަކަތަކާއި ގުޅިގެން ޖޭޕީގެ އިސް ތަރުޖަމާން އަލީ ޞާލިހު ވިދާޅުވީ އެއީ ރަނގަޅު ވާހަކަތަކެއް ނޫން ކަމަށެވެ. އަދި ގާސިމްގެ ހާލުކޮޅު ރަނގަޅު ކަމަށް ބުންޏެވެ. ނަމަވެސް މިކަމުގެ އިތުރު ތަފްސީލެއް ދީފައެއްނުވެއެވެ.
ކޮވިޑް-19 ބަލިމަޑުކަމާއެކު ގާސިމް ގިނައިން ހުންނަވަނީ މާލެއިން ބޭރުގައެވެ.
