ބާ ޖަމާލުއްދީންގައި އަލިފާނުގެ ހާދިސާއެއް ހިނގައިފި
އެމްއެންޑީއެފުން ބުނީ ބާ ޖަމާލުންދީން ސްކޫލްގައި ހުރި ކުނިތަކެއްގައި އަލިފާން ރޯވެފައިވާކަމަށް
ބާ ޖަމާލުއްދީންގައި އަލިފާނުގެ ހާދިސާއެއް ހިނގުން
ބާ ޖަމާލުއްދީން ސްކޫލްގައި އަލިފާނުގެ ހާދިސާއެއް ހިނގައިފިއެވެ.
މިހާދިސާގެ މައުލޫމާތު އެމްއެންޑީއެފަށް ލިބުނީ ބުދަ ދުވަހުގެ ރޭ 10:51 ހާއިރުކަމަށް އެމްއެންޑީއެފުން ބުނެއެވެ. އަދި އެމްއެންޑީއެފްގެ ފަޔަރ އެންޑް ރެސްކިއު އިން އަލިފާން ނިއްވުމަށް ހަރަކާތްތެރިވެ، ބުދަ ދުވަހުގެ ރޭ 11:28 ހާއިރު އަލިފާން އެއްކޮށް ނިއްވާލާފައިވާކަމަށާއި މިހާދިސާގައި އެއްވެސް މީހަކަށް އަނިޔާއެއް ލިބިފައިނުވާކަމަށް ވެސް އެމްއެންޑީއެފުން ބުނެއެވެ.
އަލިފާން ރޯވެފައިވަނީ ބާ ޖަމާލުއްދީންގެ ރޫޅާލާފައި ހުރި ބައިގައެވެ. ބާ ޖަމާލުންދީން ސްކޫލަކީ އަރަބިއްޔާ ސްކޫލް އިމާރާތް ކުރުމަށް ހަމަޖެހިފައިވާ ތަނެވެ. އެހެންކަމުން ބާ ޖަމާލުއްދީން ސްކޫލް ހުރި ތަނުގައި އަރަބިއްޔާ އިމާރާތް ކުރުމަށް އެތަން ހުސްކުރުމުގެ މަސައްކަތް އަންނަނީ ކުރަމުންނެވެ.
