ލ. ގަމުގެ އިރުން، ކާގޯ ބޯޓެއް އޮޔާދާތީ ސަމާލުވާން އެދިއްޖެ
އެމްއެންޑީއެފުން މައުލޫމާތު ދެމުން ބުނީ ލ. ގަމުގެ އިރުން ގާތްގަނޑަކަށް 48 މޭލު ބޭރުން އިރު ދެކުނުގައި އިންޓަގްރިޓީ ސްޓާ ނަމަކަށް ކިޔާ ކާގޯ ބޯޓެއް އޮޔާ ދާތީ އެ ސަރަހައްދުން ދަތުރުކުރާ މީހުން ސަމާލުކަން ދިނުމަށް އިލްތިމާސް ކުރާ ކަމަށެވެ. މޫސުން ގޯސްވެފައިވާތީ ދަތުރުފަތުރުކުރުމުގައި ސަމާލުކަން ދިނުމަށް އިލްތިމާސްކޮށްފައިވޭ.
އެމްއެންޑިއެފް
ލ. ގަމުގެ އިރުން، ކާގޯ ބޯޓެއް އޮޔާދާތީ އެ ސަރަހައްދުން ދަތުރުކުރާ މީހުން އެ ކަމަށް ސަމާލުވުމަށް އެމްއެންޑީއެފުުން އިލްތިމާސްކޮށްފި އެވެ.
އެމްއެންޑީއެފް އިން ބުނީ އޮޔާ ދަނީ "އިންޓަގްރިޓީ ސްޓާ" ނަމަކަށް ކިޔާ ބޯޓެއް ކަމަށެވެ. އަދި އެ ބޯޓު އޮޔާދަނީ، ގަމުގެ އިރުން، ގާތްގަނޑަކަށް 48 މޭލު ބޭރުން އިރު ދެކުނަށް ކަމަށް ސިފައިން ބުނެފައިވެ އެވެ. އެހެންކަމުން، އެ ސަރަހައްދުން ދަތުރުކުރާ މީހުން އެ ކަމަށް ސަމާލުކަން ދިނުމަށް ސިފައިން ވަނީ އިލްތިމާސް ކޮށްފަ އެވެ.
އަދި ޚާއްޞަކޮށް ރޭގަނޑު މި ސަރަހައްދުން ދަތުރުކުރައްވާ ފަރާތްތަކުން ދަތުރުކުރެއްވުމުގައި ޚާއްޞަ ސަމާލުކަމެއް ދިނުމަށް އެމްއެންޑީއެފުން ވަނީ އިލްތިމާސްކޮށްފަ އެވެ.
އޭގެ އިތުރުން މި ދުވަސްވަރު ރާއްޖޭގެ މޫސުން ގޯސްވެފައިވާތީ، ދަތުރުފަތުރު ކުރުމުގައި ޚާއްސަ ސަމާލުކަމެއް ދިނުމަށް ކަމާބެހޭ އިދާރާތަކުން ވަނީ އިލްތިމާސް ކުރައްވާފަ އެވެ.
