ގއ.ޖުޑީޝަލް ދާއިރާގެ އިސްމެޖިސްޓްރޭޓުގެ ސުލޫކީ މައްސަލަ ސާބިތެއް ނުވި
ސުލޫކީ މައްސަލަ ތަޙްޤީޤް ކުރުމަށް އޭނާއަށް ނޯޓިސް ދިން
ޖުޑީޝަލް ސަރވިސް ކޮމިޝަން
ގއ.ޖުޑީޝަލް ދާއިރާގެ އިސްމެޖިސްޓްރޭޓުގެ ސުލޫކީ މައްސަލަ ސާބިތު ނުވާކަމަށް ޖުޑީޝަލް ސަރވިސް ކޮމިޝަން (ޖޭއެސްސީ) އިން ނިންމައިފިއެވެ.
ގއ.ޖުޑީޝަލް ދާއިރާގެ އިސްމެޖިސްޓްރޭޓް އަލްއުސްތާޛު އިބްރާހިމް އިޙްސާން އާއި ގުޅިގެން ބަލާފައިވަނީ ޤާނޫނު ނަންބަރު 2008/10 (ޖުޑީޝަލް ސަރވިސް ކޮމިޝަނުގެ ޤާނޫނު)ގެ 22-1 ވަނަ މާއްދާގެ (ބ)ގެ ދަށުން ކޮމިޝަނަށް ހުށަހެޅުނު 2020/37 ނަންބަރު ޝަކުވާއަކާއި ގުޅޭ މައްސަލައެކެވެ.
އެ ޝަކުވާ ހުށައެޅުމާއި ގުޅިގެން 2020 ނޮވެންބަރު 22 ވަނަ ދުވަހު ސުލޫކީ މައްސަލަ ތަޙްޤީޤް ކުރުމަށް އޭނާއަށް ވަނީ ނޯޓިސް ދީފައެވެ. އެހެންނަމަވެސް، އެ މައްސަލަ ސާބިތުނުވާކަން ޖޭއެސްސީން މިވަނީ ހާމަކޮށްފައެވެ.
ޖޭއެސްސީން މައުލޫމާތު ދޭ ގޮތުގައި އޭނާގެ މައްޗަށް ތުހުމަތު ކުރެވޭ ސުލޫކީ މައްސަލަ ތަޙްޤީޤު ކުރެވި، އެ މައްސަލަ ސާބިތު ނުވާކަމަށް 2022 އޮގަސްޓު 14 ވަނަ ދުވަހު ބޭއްވި ކޮމިޝަނުގެ 53 ވަނަ ބައްދަލުވުމުގައި ވަނީ ނިންމާފައެވެ.
