ސިވިލް ކޯޓުގެ ބައެއް މުވައްޒަފުން އެ ކޯޓުގެ ދެ ގާޒީއެއްގެ މައްސަލަ ޖޭއެސްސީ އަށް ހުށަހަޅައިފި
މުވައްޒަފުން ހުށަހެޅީ ގާޒީ ހާފިޒާ މުވައްޒަފުންނާ މުއާމަލާތްކުރާ ގޮތާއި ގާޒީ އިހުސާން މުވައްޒަފުންނަށް ފުރައްސާރަކުރާކަމުގެ މައްސަލަތައް
ޖަސްޓިސް ބިލްޑިންގ
ސިވިލް ކޯޓުގެ ބައެއް މުވައްޒަފުން އެ ކޯޓުގެ ދެ ގާޒީއެއްގެ މައްސަލަ ޖުޑީޝަލް ސަރވިސް ކޮމިޝަން (ޖޭއެސްސީ) އަށް ހުށަހަޅައިފި އެވެ.
މައްސަލަ ހުށަހަޅާފައިވާ ދެ ގާޒީންނަކީ ގާޒީ އަބްދުﷲ އިހުސާން އަދި ގާޒީ ހާފިޒާ އަބްދުއްސައްތާރު އެވެ. އެ ދެ ގާޒީ އިންނާއި މެދު ހުށަހަޅާފައި ވަނީ ސުލޫކީ މައްސަލައެކެވެ. ޖޭއެސްސީ އަށް މި މައްސަލަ ހުށަހެޅީ އެ ކޯޓުގެ ދެ މުވައްޒަފެކެވެ. އެ މައްސަލަ ހުށަހެޅީ ނިމިދިޔަ ހަފްތާގެ ތެރޭގަ އެވެ.
ހުށަހަޅާފައިވާ މައްސަލަތަކުގެ ތެރޭގައި ގާޒީ ހާފިޒާ މުވައްޒަފުންނާއި މުއާމަލާތުކުރާ ގޮތުގެ މައްސަލަ އެއް ހިމެނެ އެވެ. އަދި ގާޒީ އަބްދުﷲ އިހުސާންގެ ފަރާތުން ފުރައްސާރަ އާއި ކުރިމަތިލާން ޖެހުމުގެ މައްސަލަ އެއް ވެސް ވަނީ ހުށަހަޅާފަ އެވެ.
ޖޭއެސްސީ އިން ފަނޑިޔާރުންގެ ގިނަ މައްސަކަތަކެއް ބަލާތީ ޖޭއެސްސީ އަށް ވަނީ ފާޑުކިޔުން އަމާޒުވެފަ އެވެ. އެގޮތުން ހައިކޯޓު ގެ ބެންޗު ގައި ހިމެނޭ 11 ފަނޑިޔާރުން ގެ ތެރެއިން ފަސް ފަނޑިޔާރެއް ގެ ސުލޫކީ މައްސަލަތަކެއް ޖޭއެސްސީ އިން ބަލަން ފެށުމާ ގުޅިގެން އެ ކޮމިޝަނަށް ވަނީ ގިނަ ބައެއް ގެ ފާޑުކިޔުން އަމާޒުވެފަ އެވެ.
