30 ޖާގައާއެކު އޮނަރަރީ ކޮންސުލްސް ސްކޮލާރޝިޕަށް ކުރިމަތިލުމަށް ފުރުސަތު ހުޅުވާލައިފި
ދާއިރާއަކުން ދިނުމަށް ހަމަޖެހިފައިވަނީ 5 ސްކޮލާރޝިޕް
އޮނަރަރީ ކޮންސުލްސް ސްކޮލާރޝިޕް ޕްރޮގްރާމް
30 ޖާގައާއެކު އޮނަރަރީ ކޮންސުލް ސްކޮލާރޝިޕަށް ކުރިަމތިލުމުގެ ފުރުސަތު ހުޅުވާލައިފިއެވެ.
ރާއްޖެއިން ބޭރުން ޑިގްރީ ފެންވަރަށް ކިޔެވުމުގެ 30 ފުރުސަތު ލިބޭ މި ސްކޮލާރޝިޕަށް ހޮވޭ ދަރިވަރުންނަށް އަމިއްލައަށް ކޯސް ފީ ދައްކާކަށް ނުޖެހޭނެއެވެ. ސްކޮލާރޝިޕްގެ ދަށުން ހުޅުވާލި ފުރުސަތުތަކުގެ ތެރޭގައި ހިމެނެނީ ވިޔަފާރިއާ ގުޅުންހުރި އެކި ދާއިރާތަކުގެ ކޯސްތައްކަން ފާހަގަކޮށްލެވެއެވެ.
އެ ކޯސްތަކުގެ ތެރޭގައި; ބެޗެލަރސް ޑިގްރީ އިން ބަޔޯޓެކްނޮލޮޖީ، ބެޗެލަރސް ޑިގްރީ އިން ކޮމްޕިއުޓަރ އެޕްލިކޭޝަންސް، ބެޗެލަރސް ޑިގްރީ އިން ހޮޓެލް މެނޭޖްމަންޓް، ބެޗެލަރސް ޑިގްރީ އިން ބިޒްނަސް އެޑްމިނިސްޓްރޭޝަން، ބެޗެލަރސް ޑިގްރީ އިން ޓުއަރިޒަމް އަދި ބެޗެލަރސް ޑިގްރީ އިން އިންގްލިޝް ހިމެނެއެވެ.
Advertisement
މިިއިން ކޮންމެ ދާއިރާއަކުން ދިނުމަށް ހަމަޖެހިފައި ވަނީ 5 ސްކޮލާރޝިޕްއެވެ.
ފޯމު ހުށަހެޅުމުގެ ފުރުސަތު މިމަހުގެ 25ވަނަ ދުވަހުގެ 12:30ގެ ނިޔަލަށް ވަނީ ހުޅުވާލާފައެވެ. ފޯމު ހުށައަޅާނީhttp://myedu.egov.mvއަށެވެ. ކޮންމެ މީހަކަށްވެސް ފޯމް ހުށައެޅޭނީ އެއް ކޯހަށެވެ. ޝަރުތުތަކާއި ފޯމާއެކު ހުށައަޅަންޖެހޭ ލިޔެކިޔުމުގެ ތަފްސީލްތައް މިހާރު ވަނީ ގެޒެޓްކޮށްފައެވެ.
