ސެމްޕްޑޯރިއާއަށް ކުޅެމުން އައި ޑެންމާކުގެ ވިންގަރ މިކެލް ޑެމްސްގާޑް ބްރެންޓްފޯޑަށް ބަދަލުވެއްޖެއެވެ.
ޑެމްސްގާޑް ބްރެންޓްފޯޑަށް ބަދަލުވީ ފަސް އަހަރުގެ އެއްބަސްވުމެއްގެ ދަށުންނެވެ. ނަމަވެސް މި ޑީލުގެ އަގު އެއްވެސް ކްލަބަކުން މިހާތަނަށް ހާމަކޮށްފައެއް ނުވެއެވެ. ރިޕޯޓުތައް ބުނާ ގޮތުން ޑެމްސްގާޑް ބްރެންޓްފޯޑަށް ބަދަލުވީ 15 މިލިއަން ޕައުންޑުގެ އަގަކަށެވެ.
އުމުރުން 22 އަހަރުގެ ޑެމްސްގާޑް ވަނީ ޔޫރޯ 2020 ގައި ވެސް ޑެންމާކް ޓީމުގައި މުހިންމު ދައުރެއް އަދާކޮށްފައެވެ. އޭނާ ވަނީ ޔޫރޯގެ ސެމީ ފައިނަލުގައި އިންގްލެންޑުގެ ކޮޅަށްވެސް މުހިންމު ލަނޑެއް ޖަހައިދީފައެވެ.
ޑެމްސްގާޑް ސެމްޕްޑޯރިއާ އާއި ގުޅުނީ 2020 ވަނަ އަހަރުގެ ޖުލައި މަހުއެވެ. އޭގެ ފަހުން އެޓީމަށް 49 މެޗު ކުޅެދީ ދެލަނޑު އޭނާ ޖަހާފައިވެއެވެ.
މި ސީޒަންގެ ޕްރިމިއަރ ލީގުގައި ބްރެންޓްފޯޑް ކުޅުނު ފުރަތަމަ މެޗު ނިމުނީ 2-2ން އެއްވަރުވެގެންނެވެ. މި މެޗުގައި އެޓީމުގެ ސެލަނޑު ޖެހީ ލެސްޓަރ ސިޓީން ދެލަނޑުގެ ލީޑެއް ނަގާފައިވަނިކޮށެވެ.
