ގޮތަބަޔާ ސިންގަޕޫރު ގައި ހުންނެވުމަށް ވިސާ އިތުރު ކުރުމަށް އެދިވަޑައިގެންފި
އިތުރު ދެހަފްތާ ވިސާ އިތުރު ކުރުމަށް އެދިވަޑައިގެންފައިވޭ
ގޮތަބަޔާ ރާޖަޕަކްސަ - ސްރީލަންކާގެ ކުރީގެ ރައީސް
ސްރީލަންކާގެ ކުރީގެ ރައީސް ގޮތަބަޔާ ރާޖަޕަކްސަ ސިންގަޕޫރުގަ އިތުރު 14 ދުވަހު ހުންނެވުމުގެ ހުއްދަޔަށް ރަސްމީކޮށް އެދިއްޖެ އެވެ.
ޑެއިލީ މިރަރގައި ބުނާ ގޮތުން އިތުރު 14 ދުވަހަށް ރައީސް ގޮތަބަޔާގެ ވިސާ އިތުރު ކޮށް ދިނުމަށް ސްރީލަންކާ ސަރުކާރުން ސިންގަޕޫރު ސަރުކާރުގައި އެދިފައި ވެއެވެ.
ގައުމުގެ ގިނަ އަދަދެއްގެ ބަޔަކުނިކުމެ ސަރުކާރާ ދެކޮޅަށް ކުރަންފެށި މުޒާހަރާ ދިގުލައިގެން ދިއުމުން ގޮތަބަޔާ އިސްތިއުފާ ނުދެއްވާ ފުރަތަމަ ގައުމު ދޫކުރައްވާ ވަޑައިގެންނެވީއެވެ. އޭނާ ދަތުރުކުރެއްވި އަސްކަރީ މަތިންދާބޯޓު ކުއްލި ގޮތަކަށް ދިވެހިރާއްޖޭގައި ޖައްސާ، ރާއްޖޭގައި އެއްދުވަހު މަޑު ކުރެއްވުމަށް ފަހު ސިންގަޕޫރަށް ވަޑައިގެންނެވިއެވެ. މަގާމުން އިސްތިއުފާ ދެއްވީ ސިންގަޕޫރަށް ވަޑައިގެންނެވުމަށް ފަހުއެވެ.
ކުރިން ހަމަޖެހިފައި އޮތީ ސިންގަޕޫރަށް ވަޑައިގަތުމަށް ދެވުނު 14 ދުވަހުގެ ވިސާގެ މުއްދަތު ހަމަ ވުމުން މިމަހުގެ އެގާރަވަނަ ދުވަހު އެބުރި ސްރީލަންކާ އަށް ވަޑައިގަންނަވާ ގޮތަށެވެ. ނަމަވެސް ވިސާ އިތުރު ކުރުމަށް އެދިފައި ވުމުން އޮގަސްޓް ފަހު ހަފްތާއާ ހަމަޔަށް ސިންގަޕޫރުގައި ގޮތަބަޔާ މަޑުކުރައްވާނެ ކަމަށް ޑެއިލީ މިރަރ އިން ރިޕޯޓްކޮށްފައި ވެއެވެ.
