ސަރުކާރުގެ 3 ކުންފުންޏެއްގެ ބޯޑަށް ޑިރެކްޓަރުން އައްޔަން ކޮށްފި
ޑިރެކްޓަރުން އައްޔަން ކޮށްފައިވަނީ އެޗްޑީސީ އާއި ދިރާގާއި އާސައިންދައިގެ ބޯޑަށް
ހުޅުމާލެ ޑިވެލޮޕްމަންޓް ކޯޕަރޭޝަން (އެޗްޑީސީ)
ސަރުކާރު ހިއްސާވާ 3 ކުންފުންޏެއްގެ ބޯޑަށް ޑިރެކްޓަރުން އައްޔަން ކޮށްފިއެވެ.
ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން ޑިރެކްޓަރުން އައްޔަން ކޮށްފައިވަނީ ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އާއި އާސަންދަ އާއި ދިރާގުގެ ބޯޑަށެވެ.
ދިރާގުގެ ބޯޑަށް އައްޔަން ކޮށްފައިވަނީ ރައްޔިތުންގެ މަޖިލީހުގެ މާފަންނު ހުޅަނގު ދާއިރާގެ ކުރީގެ މެންބަރު، މ. ހިލްއިންދަގާޑްން އަބްދުﷲ އަބްދުއްރަހީމްއެވެ. އޭނާ އަކީ ބިޒްނަސް އާއި އެކައުންޓިން ދާއިރާއިން ކިޔަވާ ވިދާޅުވެ އެ ދާއިރާގައި ކުރިން މަސައްކަތް ވެސް ކުރައްވާފައިވާ ބޭފުޅެކެވެ.
އެޗްޑީސީގެ ބޯޑަށް އައްޔަން ކޮށްފައިވަނީ ތ. ވިލުފުށި، އަބްލައީގެ އަލްއުސްތާޒާ އާމިނަތު ސުވޭޒާ ނަޢީމްއެވެ. އަދި އާސަންދަ ކޮމްޕެނީގެ ބޯޑަށް އައްޔަން ކޮށްފައިވަނީ ޏ. ފުވައްމުލައް މިސްކިތްމަގު އެލޭނީއިރި، އަހުމަދު ސަބާހުއެވެ.
ސަރުކާރު ހިއްސާވާ ކުންފުނިތަކުގެ ބޯޑަށް ނަން ހުށަހަޅާނީ ރައީސް އޮފީހުންނެވެ. ރައީސް އޮފީހުން ނަންތައް ހުށަހެޅުމުން އެ ބޭފުޅުން އައްޔަން ކުރާނީ ޕީސީބީ އިންނެވެ.
