ހއ އިން ދ އަށް މޫސުން ގޯސްވެ ހުދު ސަމާލު ނެރެފި
މޫސުން ގޯސް، އުދަ އަރާފާނެ
މޫސުން
ހއ.އަތޮޅުން ފެށިގެން ދ.އަތޮޅަށް މޫސުން ގޯސްވާނެ ކަމަށް ލަފާކުރެވޭތީ ހުދު ސަމާލު ނެރެފިއެވެ.
މޫސުމާއި ބެހޭ އިދާރާ އިން ހުދު ސަމާލު ނެރެފައިވަނީ މިއަދު 08:30 އިން ފެށިގެން 14:30 އާއި ހަމައަށެވެ. އެ އިދާރާއިން ބުނީ ރާއްޖޭގެ މޫސުން ކުރިއަށް ލަފާކުރާ ގޮތަށް ބަލާއިރު މިއަދު މެންދުރާއި ހަމައަށް އެ ސަރަހައްދުގައި ގަޑިއަކު 20 މޭލާއި 25 މޭލާ ދެމެދުގެ ބާރުމިނުގައި ވައިޖެހޭނެ ކަމަށް ލަފާކުރެވޭ ކަމަށެވެ. އަދި 45 މޭލަށް ވައިގަދަވާނެ ކަމަށް ބެލެވޭ ކަމަށެވެ.
މި ދުވަސްވަރަކީ ރާއްޖެއަށް ވިއްސާރަކުރަމުންދާ ދުވަސްވަރަކަށް ވާއިރު ދޭތެރެ ދޭތެރެއިން އުދަ އެރުމުގެ މައްސަލަ ދިމާވުމަކީ ރަށްރަށަށް ދިމާވެފައިވާ ބޮޑު ގޮންޖެހުމެކެވެ. ރެއިން ފެށިގެން މިއަދު ހެނދުނާއި ހަމައަށް ރާއްޖޭގެ މޫސުން އޮތްގޮތަށް ބަލާ އިރު ރާއްޖޭގެ އުތުރާ މެދު ރާއްޖެތެރޭގެ ކަނޑުތައް ގަދަވެ ބައެއް ރަށްރަށަށް އުދައިގެ އަސަރުވަނީކޮށްފައެވެ.
