ހާއްސަ ހުއްދައިގެ ދަށުން، ހަކުރާއި ފުށް ރާއްޖެއަށް އެކްސްޕޯޓްކުރަން އިންޑިއާއިން ފަހިކޮށްދީފި

ކާޑުގެ ބާވަތްތަކުގެ ތެރެއިން ހަކުރާއި ފުށް ރާއްޖެއަށް އެކްސްޕޯޓްކުރަން އިންޑިއާއިން ފަހިކޮށްދީފިއެވެ.

އެގޮތުން، އިންޑިއާއިން ދިވެހިރާއްޖެއަށް މެދުކެނޑުމެއްނެތި 9 ޒަރޫރީ ބާވަތެއް (ހަނޑޫ، ހަކުރު، ފުށް، ފިޔާ، ބިސް، އަލުވި އަދި މުގުގެ އިތުރުން އިމާރާތްކުރުމަށް ބޭނުންވާ ހިލަ އާއި ހިލަވެލި) ފަދަ ތަކެތި ހިމެނޭގޮތަށް ފޯރުކޮށްދިނުމަށް ދެ ޤައުމުގެ ދެމެދުވެފައިވާ އެއްބަސްވުމުގެ ދަށުން 7460 މެޓްރިކް ޓަނުގެ ހަކުރު އަދި 12،722 މެޓްރިކް ޓަނުގެ ފުއް އެކްސްޕޯޓް ކުރަން ފަހިކޮށްދީފައިވެއެވެ.

ފާއިތުވި މޭ އަދި ޖޫންމަހުގައި އިންޑިއާއިންވަނީ  ދުނިޔެއަށް  ދިމާވެފައިވާ  އިޤްތިސާދީ  ހީނަރުކަމުގެ ތެރޭގައި އެޤައަމުގަ ތަކެތީގެ އަގު މައްޗަށް ދާތީ އަގު ކޮންޓްރޯލްކުރުމުގެ ގޮތުން ހަކުރު އަދި ފުށް އެކްސްޕޯޓް ކުރުންވަނީ ހުއްޓާލާފައެވެ. ނަމަވެސް އިންޑިއާއިން ރާއްޖެއާއިއެކު އޮންނަ ގާތްގުޅުމަށް ބިނާކޮށް އަދި މެދުނުކެނޑި ކާޑުގެ ބާއްވަތްތައް ފޯރުކޮށްދިނުމަށް ދޫކޮށްފައިވާ ޙާއްސަ ހުއްދައިގެ ދަށުން، މި ދެންނެވުނު އަދަދަށް އެތަކެތި ކުރިއަށް އޮތް 3މަސްދުވަހާ 6 މަސްދުވަހުގެ ތެރޭގައި އިމްޕޯޓް ކުރުމަށް ސްޓޭޓް ޓްރޭޑިންގ އޯގަނައިޒޭޝަން (އެސް.ޓީ.އޯ) އަށް ބޭނުންވާ އެކްސްޕޯޓް ކުރުމުގެ ހުއްދަތައް ވަނީ ހަމަޖެހިފައިއެވެ.

މިކަން މިގޮތައް ހަމަޖެހިގެން ގޮސްފައިވަނީ ރާއްޖެއަށް ކޮންމެހެން ބޭނުންވާ ޒަރޫރީ ބާވަތްތައް ދަތިކަމަކާނުލައި ފޯރުކޮށްދިނުމައްޓަކައި އިންޑިއާއާއި ދިވެހިރާއްޖެއާ ދެމެދު ވެފައިވާ ވިޔަފާރީގެ އެއްބަސްވުމުގެ ތެރެއިން ދޫކޮށްފައިވާ ޙާއްސަ ކޯޓާގެ ދަށުންނެވެ.

މި ނިޒާމުގެދަށުން  އިންޑިއާއިންވަނީ ޖުލައި  2021 ގައި މި 9 ބާވަތް އެކްސްޕޯޓް ކުރުމުގެ ކޯޓާ އިތުރުކޮށް އެ ހުއްދަ 2024 ވަނަ އަހަރާއި ހަމައަށް އައު ކޮށްދީފައިއެވެ. މީގެއިތުރުން ދޫކޮށްފައިވާ މި ހުއްދައިގެ ސަބަބުން އެ ޤައުމުން މިހާރު ކަނޑައަޅާފައިވާ ނުވަތަ ކުރިއައްއޮތްތަނުގައި ކަނޑައަޅާ މިތަކެތީގެ އެކްސްޕޯޓް ކުރުމުގެ ޤަވައިދަށް ގެންނަ އެންމެހައި ބަދަލުތަކަކުން ބަރީއަވެގެންދެއެވެ.

އިންޑިއާއިން ރާއްޖޭގެ ފުޑް ސެކިއުރިޓީ ކަށަވަރުކުރުމަށް ފުރިހަމަ އެއްބާރުލުން އަބަދުވެސް ދެއެވެ. މިގޮތުން މިފަދަ ކަށަވަރުކަމެއް ފޯރުކޮށްދީފައިވާ ކޯޓާއެއް ހަމަޖައްސައިދީފައިވުމަކީ ދެ ޤައުމުގެ މި ގުޅުމުގެ ތެރެއިންވާ ޙާއްސަ އެއްކަމެވެ. އޭގެ ސަބަބުން ރާއްޖެއިން ޤައުމަށް ބޭނުންވާ ޒަރޫރީ ތަކެތި ހޯދޭނެކަމުގެ ޔަޤީންކަން ލިބިފައިވެއެވެ. ހަމައެހެންމެ މީގެން އަންގައިދެނީ ރާއްޖެއާއި އިންޑިއާގެ ކެއުމުގެ އާދަކާދަތަކުގެ އެއްގޮތްކަމާއި ދެޤައުމުގެ ރައްޔިތުންގެ ދެމެދުގައިވާ ގުޅުމެވެ.