ސެނޭޓްގެ މި ނިންމުމަށް ރިޕަބްލިކަނުންނާއި ޑެމްކްރޭޓުންވެސް ވަނީ މަރުހަބާ ކިޔާފައި
ސެނޭޓްގެ މި ވޯޓަށް ރިޕަބްލިކަން ޕާޓީއާ ޑެމޮކްރެޓިކް ޕާޓީން ވެސް ވަނީ މަރުހަބާ ކިޔާފަ
މިދިޔަ އަހަރު އެމެރިކާގަިއ ބޭއްވި ރިޔާސީ އިންތިޚާބަށް ނުފޫޒު ފޯރުވުމަށް މަސައްކަތް ކުރިކަމަށް ރަޝިއާގެ މައްޗަށް ކުރެވޭ ތުހުމަތުުގައި އެ ގައުމާ ދެކޮޅަށް ދަތިކުރުމުގެ އިތުރު ފިޔަވަޅުތައް އެޅުމަށް އެމެރިކާގެ ސެނޭޓުގެ ބޮޑު އަގްލަބިއްޔަތަކުން ފާސްކޮށްފިއެވެ.
މީގެ އިތުން އެ މެމްބަރުން ވަނީ އެ ފިޔަވަޅުތައް ކުޑަކުރުމަށް ރައީސް ޑޮނަލްޑް ޓްރަމްޕް އެެއްވެސް ފިޔަވަޅެއް އެޅުމަށް ނިންމަވައިފި ނަމަ އެ ފިޔަވަޅެއް ކޮންގްރެސްއިން ހުއްޓުވުމަށް ފިޔަވަޅުތަކެއް އެޅޭނެ އިންތިޒާމްތަކެއް ވެސް ހަމަޖައްސާފައެވެ.
މި ފަހަރު ފާސްކުރި ފާސްކުރުމަކީ އީރާނަށް ދަތިކުރުމުގެ ފިޔަވަޅު އެޅުމަށް ފާސްކުރި ބިލަށް އިތުރުކޮށްފައިވާ ބައިތަކެކެވެ.
ސެނޭޓުން މި ނިންމުން ނިންމާފައި މި ވަނީ ރައީސް ޓްރަމްޕްގެ ކެމްޕެއިން ޓީމުން އިންތިޚާބުގެ ދުވަސްވަރު ރަޝިއާއާ ގުޅުންތަކެއް ބާއްވާފައިވާކަމުގެ ކަންބޮޑުވުން ފެތުރިފައިވަނިކޮށެވެ.
ރައީސް ޓްރަމްޕް އަދި މޮސްކޯއިން އަބަދުވެސް ގެންދަނީ އެ ތުހުމަތުތައް ދޮގު ކުރަމުންނެވެ. އެ ތުހުމަތުތަކާ ގުޅިގެން އެތައް ތަހުގީގުތަކެއް ވަނީ ހިންގާފައެވެ. އޭގެ ތެރޭގައި ޖަސްޓިސް ޑިޕާޓްމަންޓުން އެފްބީއައިގެ ކުރީގެ ޑިރެކްޓަރ ރޮބަރޓް މުލާ ހިންގެވި ތަހުގީގު ހިމެނެއެވެ.
ރަޝިއާއާ މެދު އަލަށް އަޅާފައިވާ ދަތިކުރުމުގެ ފިޔަވަޅުތައް އަމާޒުކޮށްފައިވާ ފަރާތްތަކުގެ ތެރޭގައި
ސެނޭޓްގެ މި ވޯޓަށް ރިޕަބްލިކަން ޕާޓީއާ ޑެމޮކްރެޓިކް ޕާޓީން ވެސް ވަނީ މަރުހަބާ ކިޔާފައެވެ.
