ޓީސީއާއި ސަސް އެއްވަރު، ޓީސީއަށް ތިންވަނައަކަށް ނުޖެހެވުނު!
27 ޖުލައި 2022 | ބުދަ 14:15ޓީސީ އޮތީ ތިންވަނާގައި
ޓީސީއާއި ސަސް ވާދަކުރި މެޗުގެ ތެރެއިން
ދިވެހި ޕްރިމިއަރ ލީގުގެ ފަހު ބުރުގައި ސުޕަރ ޔުނައިޓެޑް ސްޕޯރޓްސް (ސަސް)އާއި ޓީސީއަށް ލަނޑެއް ނުޖެހި އެއްވަރުވެއްޖެއެވެ.
މެޗު އެއްވަރުވުމުން މާޔޫސްކަމެއް ކުރިމަތިވީ ޓީސީއަށެވެ. ގަދަ ހަތަރެއްގެ ވާދަވެރިކަން ބޮޑުވެފައިވުމުން ޓީސީއަށް އޮތީ މޮޅުވުން މުހިންމުވެފައެވެ. ނަމަވެސް މިމެޗުން ލިބުނު ޕޮއިންޓާއެކު މިވަގުތު ޓީސީ އޮތީ ހަތަރުވަނާގައެވެ. އެއީ 28 ޕޮއިންޓާއެކުއެވެ. މެޗުން މޮޅުވިނަމަ ވެލެންސިޔާ ފަހަތަށް ޖައްސާލުމަށްފަހު ތިންވަނައަށް ޖެހިލެވުނީހެވެ. ކޮންމެ ނަތީޖާއެއް ނުކުތަސް ތާވަލުގައި ސަސްގެ މަގާމަށް ބަދަލެއްނާންނާނެއެވެ. ފުރަތަމަ ޑިވިޝަންގައި ދެމިއޮތުމަށް އެޓީމަށް ޖެހޭނީ ކޮލިފިކޭޝަން ކުޅޭށެވެ.
މިމެޗުން މޮޅުނުވެވުނަސް ލީގުގައި ބާކީ އޮތް މެޗުން މޮޅުވެގެން ޓީސީއަށް ގަދަ ހަތަރެއްގެ ޖާގަ ޔަގީންކުރެވޭނެއެވެ. ޓީސީ އޮތީ 28 ޕޮއިންޓާއެކުއެވެ. ޓީސީގެ ފަހަތުގައި 26 ޕޮއިންޓާއެކު އޮތީ ގްރީން ސްޓްރީޓްސްއާއި ޔުނައިޓެޑް ވިކްޓްރީއެވެ. މިރޭ ދަ ގްރާންޑޭ ބަލިކޮށްގެން ޓީސީ ފަހަތަށް ޖައްސާލުމަށްފަހު ހަތަރުވަނައަށް ޖެހިލުމުގެ ފުރުސަތު ގްރީންއަށް އެބައޮތެވެ.
