ދްރޫޕަދީ މުރުމޫ އިންޑިއާގެ 15 ވަނަ ރައީސްކަމުގެ ހުވާކުރައްވައިފިއެވެ.
އެކަމަނާއަށް ރައީސްކަމުގެ ހުވާ ލައިދެއްވީ އިންޑިއާގެ ޗީފް ޖަސްޓިސް އެންވީ ރާމަނާއެވެ. މި ރަސްމިއްޔާތުގައި އެގައުމުގެ ނާއިބު ރައީސްއާއި ބޮޑުވަޒީރުގެ އިތުރުން މިނިސްޓަރުންނާއި، ގަވަރުނަރު އަދި މަޖިލީހުގެ މެމްބަރުންނާއި، މިލިޓަރީ އޮފިސަރުންގެ އިތުރުންވެސް ސަރުކާރުގެ އިސް ބޭބޭފުޅުން ބައިވެރިވެވަޑައިގެންނެވިއެވެ.
64 އަހަރުގެ މުރުމޫ އިންޑިއާގެ ރައީސްކަމުގެ މަގާމު ކާމިޔާބުކުރެއްވީ އިދިކޮޅުން ވާދަކުރެއްވި ކެންޑިޑޭޓް ޔަޝްވާންތް ސިންހާ އާ ވާދަކުރައްވައެވެ. މިއާއެކު މުރުމޫ އަކީ އިންޑިއާގެ ގަބީލާއަކަށް ނިސްބަތްވާ ފުރަތަމަ ރައީސްއެވެ. އަދި އިންޑިއާގެ ދެވަނަ އަންހެން ރައީސްއެވެ.
މުރުމޫއަކީ ވެރިކަން ކުރާ ޕާޓީ ބީޖޭޕީގެ ކެންޑިޑޭޓެކެވެ. އޮޑިއްސާ ސްޓޭޓުގެ ކުރީގެ މުދައްރިސަކަށް އުޅުއްވި މުރުމޫ ވަނީ ކުރިން ސްޓޭޓް ގަވަރުނަރުކަން ކުރައްވާފައެވެ.
މިވަގުތު އިންޑިއާގެ ރައީސްގެ މަގާމުގައި ހުންނެވި ރާމް ނަތް ކޮވިންދްގެ ދައުރު މި މަހު 24 ގައި ހަމަވާނެއެވެ. އެއާއެކު މުރުމޫ ރަސްމީކޮށް ރައީސްގެ މަގާމާ ހަވާލުވެވަޑައިގަންނަވާނެއެވެ.
