އޭވީސީ ޗެލެންޖް ކަޕްގެ ރެފްރީއަކަށް ރާއްޖޭގެ ކުނޑި އަހުމަދު ސަލީމް
20 ޖުލައި 2022 | ބުދަ 03:14ތިން ވަނަ އޭވީސީ ޗެލެންޖު ކަޕް ކުރިއަށް ދާނީ އަންނަ އޯގަސްޓު މަހުގެ 28 ން ސެޕްޓެމްބަރު މަހުގެ ހަތަރަކަށް ކިރްގިސްތާންގައި
ކުނޑި އަޙުމަދު ސަލީމް
އޭވީސީ ޗެލެންޖު ކަޕްގައި ރެފްރީއެއްގެ ގޮތުގައި މަސައްކަތް ކުރުމުގެ ފުރުސަތު ރާއްޖޭގެ ތަޖުރިބާކަރު ރެފްރީ ކުނޑި އަޙުމަދު ސަލީމަށް ލިބިއްޖެއެވެ.
ތިން ވަނަ އޭވީސީ ޗެލެންޖު ކަޕް ކުރިއަށް ދާނީ އަންނަ އޯގަސްޓު މަހުގެ 28 ން ސެޕްޓެމްބަރު މަހުގެ ހަތަރަކަށް ކިރްގިސްތާންގައެވެ. މި ފުރުސަތު ލިބުނު ކުނޑި އަޙުމަދު ސަލީމަކީ ވޮލީބޯޅަ އެސޯސިއޭޝަން އޮފް މޯލްޑިވްސް (ވީއޭއެމް)ގެ ރެފްރީސް ކޮމިޝަންގެ މެމްބަރުކަމާއި، ޓެކްނިކަލް ކޮމިޝަންގެ މެމްބަރުކަން ކުރަމުން އަންނަ ތަޖުރިބާކާރު ރެފްރީއެކެވެ.
ރާއްޖޭގައި ބާއްވާ ބޮޑެތި މުބާރާތް ތަކުގެ އިތުރުން ބައިނަލްއަޤުވާމީ މުބާރާތް ތަކުގައި މީގެ ކުރިން ވެސް ކުނޑި އަޙުމަދު ސަލީމް ވަނީ ރެފްރީކަން ކޮށްފައެވެ. ވޮލީބޯޅަ ރެފްރީއެއްގެ ގޮތުގައި މަސައްކަތް ކުރާތާ 25 އަހަރުވެފައިވާ ކުނޑި އަޙުމަދު ސަލީމް އެންމެ ފުރަތަމަ ރެފްރީކަން ކުރަން ފަށާފައިވަނީ، 1996 ވަނަ އަހަރުއެވެ.
ރާއްޖޭގައި ދާދި ފަހުން ބޭއްވި ފޯރިގަދަ ވޮލީ ސީޒަންގެ ގިނަ މެޗުތަކެއްގައި ކުނޑި އަޙުމަދު ސަލީމް ވަނީ ރެފްރީކަން ކޮށްފައެވެ. ކުނޑި އަޙުމަދު ސަލީމް ފާހަގަވެފައިވަނީ ޖެހިލުން ކުޑަ ރެފްރީއެއްގެ ގޮތުގައެވެ.
