ރާއްޖޭގައި މިހާރު ކުރިއަށްދާ އޭޝިއާ ބޮޑީ ބިލްޑިންގ އަދި ފިޒިކް ސްޕޯޓްސް ޗެމްޕިއަންޝިޕްގައި ރާއްޖޭގެ ދެވަނަ ރަން މެޑަލް މުހައްމަދު މޫސާ (މޯޑް) ހޯދައިފިއެވެ.
ކ. މާފުށީގައި ކުރިއަށްދާ މި މުބާރާތުގައި މިއަދު މޯޑު ރަން މެޑަލް ހޯދީ ބޮޑީ ބިލްޑިންގ އަޕް 55ގެ ކެޓަގަރީންނެވެ. މި ކެޓަގަރީން މޯޑު ރަން މެޑަލް ހޯދީ މިޔަންމާ، ވިއެޓްނާމް، އިންޑިއާ އަދި އިރާގުގެ އެތުލީޓުންނާ ވާދަކޮށް ކުރިހޯދައިގެންނެވެ. މީގެ ކުރިން މޯޑު ވަނީ 2021 ވަނަ އަހަރު އުޒްބެކިސްތާންގައި ބޭއްވި ވޯލްޑް ބޮޑީ ބިލްޑިންގ އެންޑް ފިޒިކްސް މުބާރާތުން ރާއްޖެއަށް ރިހި މެޑަލް ހޯދައިދީފައެވެ.
ރާއްޖޭގައި ކުރިއަށްދާ މުބާރާތުގައި ރާއްޖެއަށް އެންމެ ފުރަތަމަ ރަން މެޑަލް ހޯދައިދިނީ އަޒުނީން ރަޝާދު އެވެ. އޭނާ ވަނީ ސްޕޯޓް ފިޒިކް 170 ސީއެމް ކެޓަގަރީންނެވެ. މީގެ އިތުރުން ރާއްޖޭގެ މުހައްމަދު އިމްރާން ވަނީ މުބާރާތުގައި ލޯ މެޑަލް ހޯދާފައެވެ. އިމްރާން ލޯ މެޑަލް ހޯދީ އޯވަރ 180 ސީއެމް ކެޓަގަރީންނެވެ. އަދި ރާއްޖޭގެ އަލީ ސަލީމް ވެސް ވަނީ އަޕްޓު 175 ސީއެމުން މެޑަލް ހޯދައިފައެވެ.
މިއީ އޭޝިއަން ބޮޑީބިލްޑިންގ މުބާރާތުގައި ރާއްޖެއިން ހޯދި ތިންވަނަ ރަން މެޑަލެވެ. މީގެ ކުރިން 2017 ވަނަ އަހަރުގެ މުބާރާތުގައި ރާއްޖެއިން ވަނީ ރަން މެޑަލެއް ހޯދާފައެވެ. މިފަހަރުގެ މުބާރާތަށް ރާއްޖެއިން ނިކުތީ 10 މެޑަލް ހޯދުމަށް އަމާޒުހިފައިގެންނެވެ. މާފުށީގައި މި މުބާރާތް ކުރިއަށްދާނީ މި މަހުގެ 21ގެ ނިޔަލަށެވެ.
