ބައިނަލްއަގުވާމީ ކަރާޓޭ މުބާރާތެއްގައި ފުރަތަމަ ފަހަރަށް ބައިވެރިވުމަށް ރާއްޖޭގެ ކަރާޓޭ ޓީމު މިއަދު ފުރައިފިއެވެ.
މުބާރާތް ކުރިއަށް ގެންދިއުމަށް ހަމަޖެހިފައި ވަނީ އިންޑިއާގެ ޓަމިލްނާޑޫގައި ހުންނަ ވީ.އޯ.ސީ ސްޓޭޑިއަމްގައި މިމަހުގެ 23ން 24ގެ ނިޔަލަށެވެ. މި މުބާރާތުގައި ރާއްޖޭގެ 14 ކުދިން ބައިވެރިވާނެއެވެ. ޖުމްލަ 12 ގައުމަކުން މި މުބާރާތުގައި ބައިވެރިވުމަށް ހަމަޖެހިފައިވެއެވެ.
ކަރާޓޭ މުބާރާތުގައި ބައިވެރިވި ދިވެހި ޓީމާ މިނިސްޓަރު އަހުމަދު މަޚްލޫފް ވަނީ ބައްދަލުކުރައްވާފައެވެ. އެ ބައްދަލުވުމުގައި މިނިސްޓަރު ވަނީ ދިވެހި ޓީމުގައި ހިމެނޭ އެތުލީޓުންނަށް ހިތްވަރު ދެއްވައި، ކާމިޔާބީއަށް އެދިވަޑައިގެންފައެވެ.
މިއީ ރާއްޖޭގައ ހުރިހާ ކުޅިވަރަކަށް ހަމަހަމަ ފުރުސަތު ތަނަވަސްކޮށްދިނުމަށް އަދުގެ ސަރުކާރުން ކުރާ މަސައްކަތަށް އިތުރުވެގެންދާ ބޮޅެކެވެ.
