ދޫނި ރިސޯޓެއްގެ ވާހަކަ އަޑުއެހިންތަ؟

އެކި ކަހަލަ ދޫނި ސޫފާސޫފި ގެންގުޅުމަކީ ގިނަ ބައެއްގެ ހިތްތަކަށް ހަމަޖެހުމާއި އުފާވެރިކަން ގެނުވާކަމެކެވެ. ބުރަ މަސައްކަތާއި ހާސްކަމާއި ނުތަނަވަސްކަމުގެ ތެރެއިން، ދޫނި ސޫފާސޫފީގެ ހިތްގައިމު ގޮވުންތަކުގެ އަޑު އިވޭ ކޮންމެ ފަހަރަކީ އުފާވެރިކަމެއް ގެނުވާ ކަމެކެވެ. ނަމަވެސް، ދޫނި ގެންގުޅުމަކީ ކޮންމެކޮންމެ މީހަކަށް ކުރެވޭވަރުގެ ކަމެއް ނޫނެވެ. ބުރަ މަސައްކަތެކެވެ. ވަކިން ޚާއްސަކޮށް، ބްރެޒީލަށް ނިސްބަތްވާ ޕަބްލިސިސްޓް، މާސީލޯ މެކްސިމޯއާ އެއް ފެންވަރަށް އެކަން ކުރުމަކީ ފިސާރި ކެރިގެން ނޫނީ ނުކުރެވޭނެ މަސައްކަތެކެވެ.

މެކްސިމޯއަކީ ސައުޕޯލޯގައި ދޫނިތަކަށް ޚާއްސަ ރިސޯޓެއް ހިންގާ މީހެކެވެ. އުމުރުން 53 އަހަރުގެ މެކްސިމޯ ހިންގާ "އެމްއެމް ރިސޯޓް ބިގް ބަރޑްސް"ގެ ޚާއްސަ ފަތުރުވެރިން އެ ރިސޯޓަށް އުދުހިފައި ދަނީ އެކި މަންޒިލްތަކުންނެވެ. މެކްސިމޯގެ ރިސޯޓުގައި މަޑުކޮށްލަނީ ހިޔާވަހިކަން ހޯދުމުގެ އިތުރުން، ކައިބޮއެ ހެދުމަށާއި ކުޅެލުމަށެވެ.

ދޫނިތަކަށް ޚާއްސަ ރިސޯޓެއް ހެދުމުގެ ޚިޔާލު، މެކްސިމޯއަށް ލިބުނީ ކޮވިޑް-19ގެ ބަލިމަޑުކަމުގެ ތެރޭގައެވެ. ވަޒީފާގެއްލި، ގޭގައި އަމިއްލަ މަސައްކަތެއްގެ ގޮތުގައި، ފަރުނީޗަރު ވިއްކަން ފެށުމުގެ މަސައްކަތް ކުރަންޖެހުނު ހިސާބުންނެވެ.

މެކްސިމޯ، އޭނާގެ ލެޕްޓޮޕް ހިފައިގެން ނުކުންނަނީ މަގުމައްޗަށެވެ. އެ ގޮތަށް ނުކުންނަ ނުކުތުމުގައި މެކްސިމޯގެ ސަމާލުކަން ހޯދި އެކައްޗަކީ ބޮޑެތި ދޫނިތަކެވެ. އެހާ ހިސާބުން، އެ ދޫނިތަކަށް ގެދޮރު ހަދައިދޭން މެކްސިމޯ ނިންމިއެވެ. ގެތައް ފަރުމާކުރީ ޒަރޫރީ ކެއިންބުއިމާއި ބޯހިޔާވަހިކަމުގެ އިތުރުން، ކުޅިވަރު ކުޅޭނެ ޚާއްސަ މައިދާނަކާ، އެކި ކަހަލަ ކުޅޭސާމާނާވެސް އެކުގައެވެ.

މެކްސިމޯގެ ރިސޯޓަށް ޒިޔާރަތް ކުރާ ޚާއްސަ މެހެމާނުން ބަލައިލުމަށް ސައުޕޯލޯގެ އެކި ހިސާބުތަކުން ގިނަ އަދަދެއްގެ ބަޔަކު ޒިޔާރަތްކުރެއެވެ.

އެއް ދޮނުގައި ދެބުޅި ޖެހުނު ކަހަލައެވެ.