ތައިލެންޑުގައި މިހާރު ކުރިއަށްދާ އޯލް ތައިލެންޑް ޓޭބަލް ޓެނިސް ޗެމްޕިއަންޝިޕްގައި ރާއްޖޭގެ ޒުވާން ޓީޓީ ކުޅުންތެރިޔާ ފާތިމަތު ދީމާ އަލީ ރަނގަޅު ކާމިޔާބީތަކެއް ހޯދައިފިއެވެ.
މި މުބާރާތުގައި ދީމާ ކުޅެނީ ތައިލެންޑުގެ އެންމެ މޮޅު އެއް ކްލަބްކަމުގައިވާ ދަ ސެންޓްރަލް ކްލަބަށެވެ. ދީމާ ވަނީ މުބާރާތުގެ ސިންގަލްސް ސެމީ ފައިނަލުގައިވެސް ވާދަކޮށްފައެވެ. ސެމީގައި ދީމާ ވާދަކުރީ ސައުތު އީސްޓް އޭޝިއާ 15 އަހަރުން ދަށުގެ ޗެމްޕިއަން، އަދި ތައިލެންޑްގެ 15 އަހަރުން ދަށުގެ އެންމެ މޮޅު ކުޅުންތެރިޔާއާއެވެ. މި މެޗުން ދީމާ ބަލިވީ 3-2ންނެވެ.
މާދަމާ އޮންނަ 15 އަހަރުން ދަށުގެ ޑަބަލްސް ކުއާޓަރ ފައިނަލުގައިވެސް ދީމާ ކުޅޭނެއެވެ.
