ހަނި މޮޅަކުން ޔޫވީ ބަލިކޮށް އީގަލްސް މާޒިޔާ ފަހަތުގައި

ދިވެހި ޕްރިމިއަރ ލީގުގައި ޔުނައިޓެޑް ވިކްޓްރީ އަތުން އުނދަގޫ މޮޅެއް ހޯދައިގެން ލީގުގެ އުއްމީދު އީގަލްސްއިން ދަމަހައްޓައިފިއެވެ.

ޔުނައިޓެޑް ވިކްޓްރީ އަތުން ބުރާސްފަތި ދުވަހުގެރޭ އީގަލްސް މޮޅުވީ 1-0 ނެވެ. ހަމައެކަނި ލަނޑު ދެވަނަ ހާފްގައި ޖެހީ އަބުދުالله ސަމީހު މޫސާއެވެ. މިމޮޅާއެކު އީގަލްސް ވަނީ އެއްވަނާގައި އޮތް މާޒިޔާއާ ދެމެދު އޮތް ފަރަޤު އަނެއްކާވެސް ފަސް ޕޮއިންޓަށް ކުޑަކޮށްފައެވެ. އީގަލްސް ދެވަނާގައި އޮތީ 16 މެޗުން 40 ޕޮއިންޓާއެކުއެވެ. މާޒިޔާ އެއްވަނާގައި އޮތީ 45 ޕޮއިންޓާއެކުއެވެ. ޔުނައިޓެޑް ވިކްޓްރީއަށް ލިބިފައިވަނީ 20 ޕޮއިންޓެވެ.

ކޮންމެ ޓީމެއް 16 މެޗު ކުޅުނުއިރު ތިންވަނާގައި އޮތީ 23 ޕޮއިންޓާއެކު ޓީސީއެވެ. ހަތަރުވަނަ ލިބެނީ 22 ޕޮއިންޓާއެކު ވެލެންސިޔާއަށެވެ.