ޅ. ހިންނަވަރުގައި އިމާރަތްކުރާ 100 ހައުސިންގ ޔުނިޓުގެ މަޝްރޫއުގައި ސޮއިކޮށްފި
މި މަސައްކަތް ނިންމުމުގެ މުއްދަތަކީ 365 ދުވަސް
ޅ. ހިންނަވަރުގައި އިމާރަތްކުރާ 100 ހައުސިންގ ޔުނިޓުގެ މަޝްރޫއުގައި ސޮއިކުރުން
ޑިޒައިން އެންޑް ބިލްޑް އުސޫލުން ޅ. ހިންނަވަރުގައި އިމާރަތްކުރާ 100 ހައުސިންގ ޔުނިޓުގެ މަޝްރޫއުގައި ސޮއިކޮށްފިއެވެ.
މިއީ ދިވެހި ސަރުކާރުން 2022 ވަނަ އަހަރުގެ ޕީއެސްއައިޕީ ބަޖެޓުގައި ހިމަނައިގެން ކުރިއަށްގެންދާ މަޝްރޫއެކެވެ. މި އެއްބަސްވުމުގައި ސޮއިކޮށްފައިވަނީ 6 ޖުލައި 2022 ގައި މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރ ގައި އޮތް ރަސްމިއްޔާތެއްގައެވެ.
މި މަޝްރޫއު ޙަވާލު ކޮށްފައިވަނީ ދޮންބޭޒް ޕްރައިވެޓް ލިމިޓެޑާއެވެ. އެގޮތުން މި އެއްބަސްވުމުގައި މިނިސްޓްރީގެ ފަރާތުން ސޮއިކުރެއްވީ ހައުސިންގ ޑިޕާޓްމަންޓުގެ ޑިރެކްޓަރ ޖެނެރަލް އަހުމަދު ވިޝާން ނަސީމެވެ. ކޮންޓްރެކްޓަރުގެ ފަރާތުން ސޮއިކުރެއްވީ ދޮޮންބޭޒް ޕްރައިވެޓް ލިމިޓެޑްގެ ހެޑް އޮފް އޮޕަރޭޝަންސް އަލީ ހަމްދޫނެވެ.
މި މަސައްކަތުގެ އަގަކީ -/83،807،840 (އައްޑިހަ ތިން މިލިއަން އަށްލައްކަ ހަތްހާސް އަށްސަތޭކަ ސާޅީސް ރުފިޔާ) އެވެ. މި މަސައްކަތް ނިންމުމުގެ މުއްދަތަކީ 365 ދުވަހެވެ.
މިނިސްޓްރީން މައުލޫމާތު ދޭ ގޮތުގައި މި މަޝްރޫއުގައި ހިމެނެނީ 700 އަކަފޫޓުގެ ދެ ބުރީގެ 50 ރޯ ހައުސްއާއި، 1000 އަކަފޫޓުގެ އެއް ބުރީގެ 50 ހައުސިންގ ޔުނިޓެވެ. ޔުނިޓެއްގައި ހިމެނެނީ 3 ކޮޓަރި، 3 ފާޚާނާ، ސިޓިންގ ރޫމް، ބަދިގެ، ކާގެ، ލޯންޑަރީ އަދި ސްޓޯރ ރޫމެވެ.
އޭގެ އިތުރުން، އިމާރާތުގެ ވަށާ ފާރާއި، ހައުސިންގ ޔުނިޓުތަކުގައި ދިރިއުޅޭ ފަރާތްތައް ހިތްފަސޭހަ މާހައުލެއް ޤާއިމު ކުރުމަށްޓަކައި ވެހިކަލް ޕާކް ކުރާ ސަރަޙައްދެއްވެސް ޤާއިމު ކުރެވިގެންދެއެވެ.
