ސެމީ ފައިނަލްގައި ވާދަކުރާ ޓީމުތައް ކަށަވަރުވެއްޖެ

ވިލާ ކޮލެޖްގެ ސްޓުޑެންޓް އެސޯސިއޭޝަން (ވީ.ސީ.އެސް.އޭ)ގެ ފަރާތުން އިންތިޒާމުކޮށްގެން ބާއްވާ ޓްރިޕަލް ތްރެޓް ބާސްކެޓްބޯލް ޓޯނަމެންޓް 2022 (ޓީ.ޓީ.ބީ.ޓީ)ގެ ތްރީ އޮން ތްރީގެ ސެމީ ފައިނަލްގައި ވާދަކުރާ ޓީމުތައް ކަށަވަރުވެއްޖެއެވެ.

މުބާރާތުގައި އަންގާރަ ދުވަހުގެ ރޭ ވަނީ 16 މެޗެއް ކުޅެފައެވެ. އެ މެޗުތަކަށް ފަހު އަންހެން ސެމީގެ ޖާގަ ލިބުނު ޓީމުތަކަކީ ދިވެހިރާއްޖޭގެ ޤައުމީ ޔުނިވަރސިޓީ (އެމް.އެން.ޔޫ)، ވިލާ ކޮލެޖު، ސެންޓަރ ފޯރ ހަޔަރ ސެކަންޑްރީ އެޑިއުކޭޝަން (ސީ.އެޗް.އެސް.އީ) އަދި އަޙުމަދިއްޔާ އިންޓަރނޭޝަނަލް ސްކޫލެވެ. ފިރިހެން ޑިވިޝަންގެ ސެމީ ފައިނަލްގައި ވާދަ ކުރާ ޓީމުތަކަކީ ވިލާ ކޮލެޖު، މެޕްސް ކޮލެޖު، އެމް.އެން.ޔޫ އަދި ވިލާ ކޮލެޖެވެ.

މުބާރާތުގައި ރޭ އަންހެން ޑިވިޝަންގައި ކުޅުނު މެޗުތަކަށް ބަލާއިރު، އަހުމަދިއްޔާ އިން ވަނީ 6-4 ން މެޕްސް ކޮލެޖު ބަލިކޮށްފައެވެ. ދެ ވަނަ މެޗުގައި އެމް.އެން.ޔޫ އިން ވަނީ 4-0 ން ވިލާ ކޮލެޖު ބަލިކޮށްފައެވެ. ތިން ވަނަ މެޗުގައި ވިލާ އިން ވަނީ 8-5 ން މެޕްސް ކޮލެޖު ބަލިކޮށްފައެވެ. ހަތަރު ވަނަ މެޗުގައި ސީ.އެޗް.އެސް.އީން ވަނީ 12-3 ން އަޙުމަދިއްޔާ ބަލިކޮށްފައެވެ. ފަސް ވަނަ މެޗުގައި އެމް.އެން.ޔޫ އިން ވަނީ 13-1 ން މެޕްސް ކޮލެޖު ބަލިކޮށްފައެވެ. ހަ ވަނަ މެޗުގައި ސީ.އެޗް.އެސް.އީން ވަނީ 9-1 ން ވިލާ ބަލިކޮށްފައެވެ. އަދި ހަތް ވަނަ މެޗުގައި ސީ.އެޗް.އެސް.އީން ވަނީ 6-3 ން އެމް.އެން.ޔޫ ބަލިކޮށްފައެވެ. އަށް ވަނަ މެޗުގައި ވިލާއިން ވަނީ 5-3 ން އަޙުމަދިއްޔާ ބަލިކޮށްފައެވެ. ނުވަ ވަނަ މެޗުގައި އެމް.އެން.ޔޫ އިން ވަނީ 6-2 ން އަޙުމަދިއްޔާ ބަލިކޮށްފައެވެ. އަންހެން ބައިގެ ފަހު މެޗުގައި ސީ.އެޗް.އެސް.އީން ވަނީ 15-3 ން މެޕްސް ބަލިކޮށްފައެވެ.

ފިރިހެން ޑިވިޝަންގެ ފުރަތަމަ މެޗުގައި އެމް.އެން.ޔޫ އިން ވަނީ 10-6 ން މެޕްސް ބަލިކޮށްފައެވެ. ދެ ވަނަ މެޗުގައި ވިލާއިން ވަނީ 9-7 ން ސީ.އެޗް.އެސް.އީ ބަލިކޮށްފައެވެ. ތިން ވަނަ މެޗުގައި ވިލާއިން ވަނީ 10-5 ން މެޕްސް ބަލިކޮށްފައެވެ. ހަތަރު ވަނަ މެޗުގައި އެމް.އެން.ޔޫ އިން ވަނީ 16-6 ން ސީ.އެޗް.އެސް.އީ ބަލިކޮށްފައެވެ. ފަސް ވަނަ މެޗުގައި ސީ.އެޗް.އެސް.އީން ވަނީ 10-9 ން މެޕްސް ބަލިކޮށްފައެވެ. ފިރިހެން ޑިވިޝަންގެ ފަހު މެޗުގައި ވިލާއިން ވަނީ 10-9 ން އެމް.އެން.ޔޫ ބަލިކޮށްފައެވެ.

މުބާރާތުގެ ސެމީ މެޗުތަކާއި ފައިނަލް މެޗުތައް ކުރިއަށް ދާނީ ބުދަ ދުވަހުގެ ރޭގައެވެ. ބުދަ ދުވަހުގެ ރޭ އެންމެ ފުރަތަމަ ކުޅޭނީ ފިިރިހެން ޑިވިޝަންގެ ސެމީ މެޗުތަކެވެ. ފިރިހެން ޑިވިޝަންގެ ފުރަތަމަ ސެމީގައި ވިލާ ނިކުންނާނީ މެޕްސްއާ ދެކޮޅަށެވެ. ދެ ވަނަ ސެމީގައި އެމް.އެމް.ޔޫ ނިކުންނާނީ ސީ.އެޗް.އެސް.އީއާ ދެކޮޅަށެވެ. އަންހެން ޑިވިޝަންގެ ފުރަތަމަ ސެމީގައި ސީ.އެޗް.އެސް.އީ ނުކުންނާނީ އަޙުމަދިއްޔާއާ ދެކޮޅަށެވެ. ދެ ވަނަ ސެމީގައި އެމް.އެން.ޔޫ ނުކުންނާނީ ވިލާއާ ދެކޮޅަށެވެ.

މުބާރާތުގެ ނިންމުމުގެ ރަސްމިއްޔާތު އޮންނާނީ ފައިނަލް މެޗަށްފަހުއެވެ.