އަމީރުލް ހައްޖު، ދިވެހި ހައްޖުވެރިންނާއި ބައްދަލުކުރައްވާ ހާލު ބައްލަވައިފި
ރާއްޖެއިން މި އަހަރު ހައްޖަށް ގޮސްފައިވަނީ 453 ޙައްޖުވެރިން
އަމީރުލް ހައްޖު، ދިވެހި ހައްޖުވެރިންނާއި ބައްދަލުކުރެއްވުން
އަމީރުލް ހައްޖު މިނިސްޓަރ އޮފް އިސްލާމިކް އެފެއާޒް ޑރ.އަޙްމަދު ޒާހިރު އަލީ ދިވެހި ހައްޖުވެރިން ތިބޭ ހޮޓަލަށް ވަޑައިގެން ދިވެހި ހައްޖުވެރިންނާއި ބައްދަލުކުރައްވާ ހާލު ބައްލަވައިފިއެވެ.
ރާއްޖެއިން ހައްޖުގެ އަޅުކަމަށް ގޮސްފައިވާ ހުރިހާ ހައްޖާޖީންގެ ހާލުވެސް ރަނގަޅުކަމަށް ރާއްޖޭގެ ހައްޖު މިޝަންއިން މައުލޫމާތު ދެއެވެ.
1443 ވަނަ އަހަރުގެ ހައްޖު ދުވަހަކީ މި އަންނަ ހުކުރު ދުވަހަށްވާއިރު، ހައްޖުވެރިން މިނާއަށް ދިއުމަށްޓަކައި ބުރާސްފަތި ދުވަހު ދަތުރު ފަށާނެއެވެ. ރާއްޖެއިން މި އަހަރު ހައްޖަށް ގޮސްފައިވަނީ 453 ޙައްޖުވެރިންނެވެ.
ރާއްޖޭގެ އަމީރުލް ޙައްޖުގެ ގޮތުގައި މިއަހަރު ސަރުކާރުން ހަމަޖައްސާފައިވަނީ މިނިސްޓަރ އޮފް އިސްލާމިކް އެފެއާޒް ޑރ އަޙްމަދު ޒާހިރު އަލީ އެވެ.
