މާލޭގެ ބައެއް ސަރަޙައްދުތައް ބަންދުކޮށް ސިފައިން ހަތިޔާރާއެކު ޙަރަކާތްތެރިވަނީ

މާލޭގެ ބައެއް ސަރަޙައްދުތައް ބަންދުކޮށް ސިފައިން ހަތިޔާރާއެކު ޙަރަކާތްތެރިވާން ފަށައިފިއެވެ.

އެމްއެންޑީއެފްގެ ސިފައިންނާއި ފުލުހުންވެސް އެ ސަރަޙައްދުތަކުގައި ޙަރަކާތްތެރިވަމުންދާއިރު، ސުޕްރީމް ކޯޓު ސަރަހައްދާއި، މުރައިދޫގެ ހިމެނޭ ސަރަހައްދުގެ އިތުރުން، ޗައިނާ އެމްބަސީ ހިމެނޭ ސަރަހައްދުގައިވެސް ސިފައިން ޙަރަކާތްތެރި ވަމުންދާކަމަށް މައުލޫމާތު ލިބެއެވެ.

އެހެންނަމަވެސް، ސިފައިން ޙަރަކާތްތެރިވަމުންދަނީ ސީދާ ކޮން ސަބަބަކާހުރެކަން އަދި ސާފުވެފައެއް ނުވެއެވެ.

އެ ސަރަޙައްދުތަކުގައި ބެރިކޭޑް ޖަހައިގެން ބަންދުކޮށްގެން ޚާއްސަ އޮޕަރޭޝަނެއް ހިންގަމުންދަނީ ބޮމެއް ގޮއްވާލާނެ ކަމުގެ އިންޒާރަކާއި ގުޅިގެންކަމަށް އަޑު ފެތުރުފައިވީނަމަވެސް، އެކަން ރަސްމީ އިދާރާއަކުން އަދި ކަށަވަރުކޮށެއް ނުދެއެވެ.