4 މަސް ތެރޭގައި ސްރީލަންކަން އެއަރލައިންސްއަށް 248 ބިލިއަންގެ ގެއްލުމެއް
4 މަހުގެ ތެރެގައި ސްރީލަންކަން އެއަރލައިންސް އަށް 71.82 ބިލިއަން ރުފިޔާގެ ފައިދާއެއް ވެފައިވޭ
ސްރީލަންކަން އެއަރލައިނަށް ގެއްލުންވަނީ ރުޕީސްގެ އަގު ދަށްވުމުގެ ސަބަބުން
ސްރީލަންކާގެ ސަރުކާރުން ހިންގާ، ސްރީލަންކަން އެއަރލައިންސްއަށް އެޕްރީލް މަހާ ހަމައަށް 248 ބިލިއަން ރުޕީސްގެ ގެއްލުންވެފައިވާ ކަމަށް ޑާޓާތަކުން ދައްކައިފިއެވެ.
ދުނިޔޭގެ މަގުބޫލުކަން ހޯދާގައިވާ ސްރީލަންކަން އެއަރލައިންސްއަށް ބޮޑު ގެއްލުމަކާއި ކުރިމަތިލާންޖެހިފައިވަނީ އެގައުމުގެ ފައިސާގެ އަގު ވަރަށް ބޮޑަށް ދަށްވުމާއި ގުޅިގެންނެވެ. މިއީ މިހާތަނަށް އެގައުމުގެ ފައިސާގެ އަގު އެންމެ ބޮޑަށް ދަށްވި ފަހަރެވެ.
2022 ވަނަ އަހަރުގެ ފުރަތަމަ 4 މަހުގެ ތެރެގައި ސްރީލަންކަން އެއަރލައިންސްއަށް 71.82 ބިލިއަން ރުފިޔާގެ ފައިދާއެއް ވެފައިވެއެވެ. އަދި ފުރަތަމަ 4 މަސް ދުވަހުގެ ތެރޭގައި 248.44 ބިލިއަން ރުޕީސްގެ ގެއްލުން ވެފައިވާއިރު، މީގެ ތެރެއިން 145 ބިލިއަން ރުޕީސްއަކީ، ބޭރުފައިސާއަށް މާރުކުރުމުގެ ސަބަބުން ލިބުނު ގެއްލުމެކެވެ.
އެޕްރީލްގެ ނިޔަލަށް ލަންކާގެ ރުޕީސްގެ އަގު ވަނީ 200 ރުޕީސް އިން 341 ރުޕީސްއަށް ވެއްޓިފައެވެ. މިހާރު އެގައުމުގައި 1 ޑޮލަރުގެ އަގު އުޅެނީ 358 ރުޕީސްގައެވެ.
މީގެއިތުރުން ސްރީލަންކަން އެއަރލައިންސްގައި މިހާރު ވެސް 618،677.61 މިލިއަން ރުޕީސްގެ ދަރަނި ދައްކަން ޖެހިފައި އެބަހުއްޓެވެ. މީގެ ތެރޭގައި 175 މިލިއަން ޑޮލަރުގެ ސޮވެރެން ގެރެންޓީ ބޮންޑަކާއި، ސްޓޭޓް ބޭންކުން ނަގާފައިވާ ލޯނާއި، މަތިންދާބޯޓަށް ދައްކަން ޖެހޭ ފައިސާ އަދި އެކި ވިޔަފާރިތަކަށް ވަކިން ހާއްސަކޮށް ސިލޯން ޕެޓްރޯލިއަމް ކޯޕަރޭޝަނަށް ދައްކަން ޖެހޭ ފައިސާ ހިމެނޭ ކަމަށް އެގައުމުގެ ފިނޭންސް މިނިސްޓްރީން ނެރިފައިވާ ރިޕޯޓުގައި ބުނެފައިވެއެވެ.
މި ރިޕޯޓުގައި ބުނެފައިވަނީ ސްރީލަންކަން އެއަރލައިންސްގެ ގެއްލުމަށް މާލީ އެހީތެރިކަން ހޯދައިދެވޭނެ ގާބިލްކަމެއް ސަރުކާރުގައި ނެތް ކަމަށާއި، އެ އެއަރލައިންގެ މާލީ ކަންކަން ރީސްޓަރްކްޗަރުކޮށް ފައިދާވާނެ ގޮތަކަށް އޮޕަރޭޓްކުރަން ފަށަންޖެހޭ ކަމަށެވެ.
ލަންކާގެ ބޮޑުވަޒީރު ރަނިލް ވިކްރަމްސިންހަ ވިދާޅުވެފައިވަނީ އެއަރލައިން ޕްރައިވަޓައިޒް ކުރަންޖެހޭ ކަމަށެވެ.
