ހައްޖުގެ އަޅުކަމަށްދާ 1 މިލިއަން ހައްޖާޖީންނަށް ސައުދީން މަރުހަބާ ކިޔަން ފަށައިފި
މިއަހަރު ސައުދީން ބޭރުން 850،000 ހައްޖުވެރިން ދާނެ
ހައްޖުގެ އަޅުކަން
މިއަހަރު ހައްޖުގެ އަޅުކަމަށްދިޔަ 1 މިލިއަން ހައްޖާޖީންނަށް ސައުދީން މަރުހަބާ ކިޔަން ފަށައިފިއެވެ.
މިއީ ކޮވިޑް-19ގެ ހާލަތަށްފަހު މިހާ ގިނަ އަދަދެއްގެ ހައްޖުވެރިން ހައްޖުގެ އަޅުކަމުގައި ބައިވެރިކުރާ ފުރަތަމަ ފަހަރެވެ. ސައުދީން ވަނީ ހައްޖާޖީންނަށް މަރުހަބާ ކިޔުމަށް ބެނާތައް ދަމާފައެވެ.
މިއަހަރުގެ ހައްޖުގެ އަޅުކަމުގައި 1 މިލިއަން ހައްޖާޖީން ބައިވެރިވާއިރު، މީގެ ތެރެއިން 850،000 ހައްޖާޖީންނަކީ ދުނިޔޭގެ އެކި ކަންކޮޅުތަކުން ހައްޖުގެ އަޅުކަމުގައި ބައިވެރިވާ މީހުންނެވެ. ސައުދީ ސަތުކާރުން ބުނިގޮތުގައި އާދިއްތަ ދުވަހުގެ ނިޔަލަށް އެކި ގައުމުތަކުން 650،000 ހައްޖާޖީން ވަނީ ސައުދީއަށް ގޮސްފައެވެ.
2019 ވަނަ އަހަރު 2.5 މިލިއަން މީހުން ވަނީ ހައްޖުގެ އަޅުކަމުގައި ބައިވެރިވެފައެވެ. އެއަށްފަހު 2021 ވަނަ އަހަރު ކޮވިޑް-19 ގެ ހާލަތާއި ގުޅިގެން ހައްޖުގެ އަޅުކަމުގައި ބައިވެރިކޮށްފައިވަނީ ކޮވިޑް ވެކްސިން ފުރިހަމަކޮށްފައިވާ ސައުދީގައި ދިރިއުޅޭ މީހުން އެކަންޏެވެ.
މިއަހަރުގެ ހައްޖުގެ އަޅުކަމުގެ ތެރެއިންވެސް ކޮވިޑުން ރައްކާތެރިވުމަށް ފިޔަވަޅުތަކެއް އެޅިގެންދާނެއެވެ.
