އަންހެނަކަށް ޖިންސީ އަދި ޖިސްމާނީ އަނިޔާކުރި 2 މީހަކު 15 އަހަރަށް ޖަލަށް
ޖިންސީ އަދި ޖިސްމާނީ އަނިޔާކޮށްފައިވަނީ ނަފްސާނީ ނުކުޅުދުންތެރިކަމެއް ހުންނަ މީހަކަށް
އަންހެނުންނަށް ކުރާ ޖިންސީ ގޯނާއާ ދެކޮޅަށް ކުރި މުޒާހަރާގެ ތެރެއިން
އައްޑޫ ސިޓީ ހިތަދޫގައި ނަފްސާނީ ގޮތުން ނުކުޅުދުންތެރިކަމެއް ހުންނަ އަންހެނަކަށް ޖިންސީ އަދި ޖިސްމާނީ އަނިޔާކުރި މައްސަލައިގައި ދެ މީހަކު 15 އަހަރަށް ޖަލަށް ލާން ހުކުމްކޮށްފިއެވެ.
މިއީ 31 ޖުލައި 2020 ދުވަހުގެ ފަތިހުގެ ވަގުތެއްގައި ހިނގާފައިވާ ކަމެކެވެ. މި މައްސަލައިގައި ހިމެނެނީ ކ. މާލެ، ދަފްތަރު ނަންބަރު 963، މަޚްތޫމް މޫސާ ދީދީއާއި، ސ. ހިތަދޫ، ޒަހާމަންޒިލް، އަލީ ޝިމާއު ޒުބައިރެވެ.
ޕްރޮސެކިއުޓަރ ޖެނެރަލް އޮފީހުން ބުނީ އެމީހުންގެ މައްޗަށް ޖިންސީ ކުށުގެ ޤާނޫނުގެ 28 ވަނަ މާއްދާގެ (ހ) އަދި (ށ) އާ ހަވާލާދީ، އެމާއްދާގެ (ނ) ގެ ދަށުން، ސ. ހިތަދޫ މެޖިސްޓްރޭޓް ކޯޓަށް ހުށަހެޅި، ނުކުޅުދުންތެރިކަމެއް ހުރި މީހަކާއެކު ޖިންސީ އަމަލު ހިންގުމުގެ ކުށުގެ ދައުވާ ސާބިތުވެއްޖެކަމަށް ކަނޑައަޅާފައިވާކަމަށެވެ.
ޖިންސީ ކުށުގެ ޤާނޫނުގެ 28 ވަނަ މާއްދާގެ (ނ) ގެ ދަށުން، މި ދެމީހުން 15 އަހަރަށް ޖަލަށްލުމަށް 30 ޖޫން 2022 ގައި ވަނީ ހުކުމްކޮށްފައެވެ.
