ސެމީ ފައިނަލްގެ ޓީމުތައް ކަށަވަރުވެއްޖެ

ވިލާ ކޮލެޖްގެ ސްޓޫޑެންޓް އެސޯސިއޭޝަން (ވީ.ސީ.އެސް.އޭ)ގެ ފަރާތުން އިންތިޒާމުކޮށްގެން ބާއްވާ ޓްރިޕަލް ތްރެޓް ބާސްކެޓްބޯލް ޓޯނަމެންޓް 2022 (ޓީ.ޓީ.ބީ.ޓީ)ގެ ސެމީ ފައިނަލްގައި ވާދަކުރާނެ ޓީމުތައް ކަށަވަރުވެއްޖެއެވެ.

މުބާރާތުގެ އަންހެން ޑިވިޝަންގެ ސެމީ ފައިނަލްގައި ވާދަކުރާނެ ޓީމުތަކަކީ ދިވެހިރާއްޖޭގެ ޤައުމީ ޔުނިވަރސިޓީ (އެމް.އެން.ޔޫ)، ސެންޓަރ ފޯރ ހަޔަރ ސެކަންޑްރީ އެޑިއުކޭޝަން (ސީ.އެޗް.އެސް.އީ)، ވިލާ ކޮލެޖު އަދި އަހުމަދިއްޔާ އިންޓަރނޭޝަނަލް ސްކޫލްއެވެ. ފުރަތަމަ ސެމީގައި މިރޭ 19:00 ގައި ސީ.އެޗް.އެސް.އީ ނިކުންނާނީ ވިލާ ކޮލެޖާ ދެކޮޅަށެވެ. ދެ ވަނަ ސެމީގައި 19:40 ގައި އެމް.އެން.ޔޫ ނިކުންނާނީ އަހުމަދިއްޔާ އިންޓަރނޭޝަނަލް ސްކޫލާ ދެކޮޅަށެވެ.

މުބާރާތުގެ ފިރިހެން ސެމީން ޖާގަ ހޯދި ޓީމުތަކަކީ އެމް.އެން.ޔޫ، ސީ.އެޗް.އެސް.އީ، އަހުމަދިއްޔާ އަދި ވިލާ ކޮލެޖެވެ. ފިރިހެން ފުރަތަމަ ސެމީގައި ސީ.އެޗް.އެސް.އީ އާއި ވިލާ ކޮލެޖު ބައްދަލުކުރާ މެޗު އޮންނާނީ މިރޭ 20:20 ގައެވެ. ދެ ވަނަ ސެމީގައި 21:00 ގައި އެމް.އެން.ޔޫ ނިކުންނާނީ މެޕްސް ކޮލެޖާ ދެކޮޅަށެވެ.

މުބާރާތުގައި ހޮނިހިރު ދުވަހުގެ ރޭ ކުޅުނު މެޗުތަކަށް ބަލާއިރު، އަންހެން ޑިވިޝަންގެ މެޗުގައި ސީ.އެޗް.އެސް.އީ އިން ވަނީ 31-13 އިން އަހުމަދިއްޔާގެ މައްޗަށް ކުރި ހޯދާފައެވެ. ފިރިހެން ޑިވިޝަންގައި ސީ.އެޗް.އެސް.އީން ވަނީ 39-24 ން ވިލާ ކޮލެޖުގެ މައްޗަށް ކުރި ހޯދާފައެވެ. ރޭ ކުޅުމަށް ހަމަޖެހުނު ތިން ވަނަ މެޗު ވަނީ ވިއްސާރައިގެ ސަބަބުން މިއަދުގެ ހަވީރު 17:15 އަށް ބަދަލުކޮށްފައެވެ. އެއީ އެމް.އެން.ޔޫ އާއި މެޕްސް ކޮލެޖު ބައްދަލުކުރާ މެޗެވެ.