ފަހު ޖަލްސާގެ ވަގުތު އިތުރުކޮށްގެން މަސައްކަތް ކުރިއަށް ގެންދަން ފާސްކޮށްފި
33 މެންބަރުންގެ އަގުލަބިއްޔަތުން ވަގުތު އިތުރުކުރުމަށް ވަނީ ފާސްކޮށްފައި
މުހައްމަދު ނަޝީދު- ރައްޔިތުންގެ މަޖިލީހުގެ ރައީސް
މަަސައްކަތް ނިންމަން ރައްޔިތުންގެ މަޖިލީހުގެ މި ދައުރުގެ ފަހު ޖަލްސާގެ ވަގުތު އިތުރުކުރަން ފާސްކޮށްފިއެވެ.
2022 ވަނަ އަހަރުގެ ދެވަނަ ދަރުގެ ފަހު ޖަލްސާގައި އެޖެންޑާގައިވާ ކަންކަމުގެ ތެރެއިން ކޮމިޓީން ހުށަހަޅާ ކަންކަން އަދި ވޯޓަށް އެހުމަށް ހުރި ކަންކަމަށް ވޯތަށް އަހާ ނިމެންދެން ޖަލްސާގެ ވަގުތު އިތުރުކުރުމާއި ގުޅޭ ގޮތުން ވޯޓަކަށް އެހުމުން، ހާޒިރުވެ ތިއްބެވި މެންބަރުންގެ އަގުލަބިއްޔަތުން ވަނީ ޖަލްސާގެ ވަގުތު އިތުރުކުރުމަށް ނިންމާފައެވެ.
ޖަލްސާގެ ވަގުތު އިތުރުކުރުމަށް ފެންނަކަމަށް ވޯޓު ދެއްވީ 33 މެންބަރުންނެވެ. ނުފެންނަ ކަމަށް އަދި ވަކިގޮތަކަށް ވޯޓު ދެއްވަން ބޭނުންވާ މެންބަރަކު ނެތެވެ. ހާޒިރުވެތިއްބެވީ 35 މެންބަރުންނަވެ. ފާސްވުމަށް ބޭނުންވަނީ 17 ވޯޓެވެ.
ނުނިމި ހުރި މަސައްކަތްތަކުގެ ތެރޭގައި ހެއްކާ ބެހޭ ބިލު، ޖުޑީޝިއަރީ ކޮމިޓީން ދިރާސާކޮށް ނިންމިގޮތުގެ ރިޕޯޓު ހުށަހެޅުމާއި، ގާނޫނޫނުތަކުގެ ދަށުން ހަދަންޖެހޭ ގަވާއިދުތައް އެޤާނޫނުތަކުގައި ބަޔާންކޮށްފައިވާ މުއްދަތުގެ ތެރޭގައި ބައެއް މިނިސްޓްރީތަކުންނާއި ސަރުކާރުގެ އިދާރާތަކުން ހަދާފައިނުވާ ކަމަށް ބަޔާންކޮށް ހުށަހަޅާފައިވާ މައްސަލަ، ގަވާއިދު ކޮމިޓީން ދިރާސާކޮށް ނިންމިގޮތުގެ ރިޕޯޓް ހިމެނެއެވެ.
މީގެ އިތުރުން 8 ކަމަކަށް ވޯޓަށް އެހުމަށް އެޖެންޑާކޮށްފައިވެއެވެ.
