ޖަޕާނަށް 150ހަކަށް އަހަރުތެރޭގައިވެސް ނާންނަހާ ހޫނު ދުވަސްކޮޅެއް
29 ޖޫން 2022 | ބުދަ 14:41ކުރިޔަށް އޮތީވެސް ހޫނު ދުވަސްތަކެއްކަމަށްވޭ
ޖަޕާން ހީޓް ވޭވް - ބަޔަކު އަވިން ސަލާމަތްވުމަށް ކުޑަނަގައިގެން
މިދުވަސްކޮޅަކީ ޖަޕާނަށް މިދިޔަ 150ހަކަށް އަހަރު ތެރޭގައިވެސް ނާންނަހާ ހޫނު ދުވަސްކޮޅެއް ކަމަށް ޚަބަރުލިބެއެވެ. މިގޮތުން ބުދަ ދުވަހާ ހަމައަށް، ފާއިތުވި 5 ދުވަހުވެސް ހޫނުމިން 35 ޑިގްރީއަށްވުރެ މައްޗަށް ގޮސްފައިވާކަމަށްވެއެވެ. މިއީ އެގައުމުގައި 1875 ވަނަ އަހަރު މޫސުމާބެހޭ ރިކޯޑްތައް ބަލަހައްޓަން ފެށީއްސުރެ އެންމެ ހޫނުގަދަވި މަސް ކަމަށް ވެއެވެ. އަދި އިސެސާކީ ކިޔާ ސިޓީގެ ހޫނުމިން 40 ޑިގްރީއަށްވެސް އެރިކަމަށްވެއެވެ.
މޫސުމާބެހޭ އޮފިޝަލުން ބުނާގޮތުގައި ކުރިޔަށް އޮތް ދުވަސްކޮޅު އަދި މިއަށްވުރެވެސް ހޫނު ގަދަވާނެއެވެ. ނުވަތަ މިއަށްވުރެ ހޫނުމިން ދަށަކަށް ނުދާނެއެވެ.
ހޫނުމިން މިހާ މައްޗަށް ދިއުމުން އޭސީ، ކޫލަރ، ފަންކާ ފަދަ ފިނިކޮށްދޭ އާލާތްތަކަށް އިތުރު ކަރަންޓް ނަގާނެކަމަށް ބަލައި، ސަރުކާރުން ވަނީ ކަރަންޓު ކެނޑިދާނެކަމަށް ބުނެ އިންޒާރު ނެރެފައެވެ. މިއާއެކުވެސް ހީޓް ސްޓޯކް ފަދަ ކަންކަމުން ސަލާމަތްވުމަށްޓައި އަތްވަށް ނުނުކުތުމަށް ދަނީ އަންގަމުންނެވެ.
