ކޮވިޑް-19: ޕަބްލިކް ޓްރާންސްޕޯޓް ބޭނުންކުރާއިރު މާސްކު އެޅުމަށް ފްރާންސުން އަންގައިފި
28 ޖޫން 2022 | އަންގާރަ 08:06ފްރާންސްގެ އިތުރުން ޔޫރަޕްގެ ޤައުމުތަކުގައި ކޮވިޑް ކޭސްތައް ދަނީ އިތުރުވަމުން
ކޮވިޑް-19 ފްރާންސް- ފާއިތުވި 24 ގަޑިއިރުވެސް 20،000 އާ ގާތްކުރާ އަދަދަކަށް ކޮވިޑް ކޭސްތައް ވަނީ ފެނިފައި
ފްރާންސްގައި ކޮވިޑް-19 ގެ ކޭސްތައް އިތުރުވުމާއި ގުޅިގެން ޕަބްލިކް ޓްރާންސްޕޯޓް ބޭނުންކުރާއިރު މާސްކު އެޅުމަށް އަނެއްކާވެސް އަންގައިފިއެވެ.
ފްރާންސްގައި ފާއިތުވި 24 ގަޑިއިރުވެސް 20،000 އާ ގާތްކުރާ އަދަދަކަށް ކޮވިޑް ކޭސްތައް ވަނީ ފެނިފައެވެ. މިއީ 18 އޭޕްރީލްގެ ފަހުން ކޭސްތައް މިހާ ބޮޑަށް އިތުރުވި ފުރަތަމަ ފަހަރުކަމަށް "ސްކައި ނިއުސް" ގައި ރިޕޯޓުކޮށްފައިވެއެވެ.
ކޮވިޑާއި ގުޅިގެން ރައްކާތެރިކަމުގެ ފިޔަވަޅެއްގެ ގޮތުން ފްރާންސްގެ އާންމު ތަންތަނުގައި އުޅޭއިރު މާސްކު އެޅުމަށް ވަނީ އަންގާފައެވެ.
ވަކިން ޚާއްސަކޮށް ޕަބްލިކް ޓްރާންސްޕޯޓް ބޭނުންކުރާނަމަ މާސްކު އެޅުމަށް ވަނީ އަންގާފައެވެ.
ރިޕޯޓުތައް ބުނާ ގޮތުން ފްރާންސްގެ އިތުރުން ޔޫރަޕްގެ ޤައުމުތަކުގައި ކޮވިޑް ކޭސްތައް އިތުރުވަމުންދަނީ މިހާރު ފެންނަމުންދާ އައު ވޭރިއަންޓުތަކާއި ގުޅިގެންނެވެ.
މިވަގުތު ކޮވިޑާއި ގުޅިގެން ރައްކާތެރިކަމުގެ ފިޔަވަޅުތައް އެޅުމަށް ސަމާލުކަން ދިނުމަކީ ރައްޔިތުންގެ މަދަނީ ޒިންމާއެއްކަމަށް އެ ޤައުމުގެ ހެލްތު މިނިސްޓަރުވަނީ ވިދާޅުވެފައެވެ.
