ހައްޖު ޓާމިނަލްގެ ފަހުގެ ތައްޔާރީތައް މައްކާގެ އަމީރު ބައްލަވާލައްވައިފި
ހައްޖު ޓަރމިނަލް ތަރައްގީކުރުމުގެ މަސައްކަތްތަކެއް ކުރިއަށްދޭ
ތޯހިރާ އަޒްހާރް, ރާއްޖެ އެމްވީ | 27 ޖޫން 2022 | ހޯމަ 02:23
މައްކާގެ އަމީރު ޕްރިންސް ޚާލިދް އަލް-ފައިސަލް
ކިންގ އަބްދުލްއަޒީޒް އިންޓަރނޭޝަނަލް އެއަރޕޯޓުގައި ގާއިމްކޮށްފައިވާ ހައްޖު ޓާމިނަލްގެ ފަހުގެ ތައްޔާރީތައް މައްކާގެ އަމީރު ޕްރިންސް ޚާލިދް އަލް-ފައިސަލް ބައްލަވާލައްވައިފިއެވެ.
ކިންގ އަބްދުލްއަޒީޒް އިންޓަރނޭޝަނަލް އެއަރޕޯޓުގެ ހައްޖު އަދި އުމްރާ ޓާމިނަލް އިތުރަށް ތަރައްގީކުރުމުގެ މަސައްކަތުގެ އެންމެ ފަހުގެ އަޕްޑޭޓުތައް ޕްރިންސް ޚާލިދް އަލް-ފައިސަލް ވަނީ އޮޅުންފިލުއްވާފައެވެ.
ހައްޖު ޓާމިނަލް އިތުރަށް ތަރައްގީކުރުމުގެ މަސައްކަތުގެ ތެރެއިން ޓަރމިނަލްގެ އެކްސްޓަރނަލް ކޯޓްޔާޑްތައް ގާއިމްކުރުމާއި، ކެޕޭސިޓީ އިތުރުކުރުމާއި، ސަރުކާރު އިދާރާތަކުގެ ސައިޓުތައް ގާއިމްކުރުމާއި، ޓަރމިނަލްއަށް ދާން އޮންނަ މަގު އައު ކުރުން ހިމެނެއެވެ.
