ޝީގެ ބަވަނަވަންތަ ތަރައްގީގެ ޕްލޭނަށް ބައިނަލްއަގުވާމީ މުޖުތަމައުގެ ތައުރީފު އޮހެނީ
20 ޖޫން 2022 | ހޯމަ 05:51ޝީ ވަނީ ގުޅުންތައް ބަދަހިކޮށް، ތަރައްގީގެ ސިޔާސަތުތައް އެކުލަވާލުމުގައި ލުއި ގޮތްތައް އިހުތިޔާރު ކުރުމަށް ބާރު އަޅުއްވާފައި
ޗައިނާގެ ރައީސް ޝީ ޖީންޕިންގް - 25 ވަނަ ސެއިންޓްޕީޓާސްބާގް އިންޓަނޭޝަނަލް އިކޮނޮމިކް ފޯރަމްގައި ޝީ ހުށަހެޅުއްވި ތަގްރީރަށް ބައިނަލްއަގުވާމީ މުޖްތަމައުން ވަނީ ތައުރީފުކޮށްފައި
ބަވަނަވަންތަ ރޫހެއްގައި ކުރިއެރުމާއި ސުލްހަ ގާއިމުކުރުމުގެ އަމާޒުގައި ގްލޯބަލް ޑިވަލޮޕްމަންޓް އިނިޝިއޭޓިވް ތަންފީޒު ކުރުމުގެ މަސައްކަތް މެކުހަށް ޖެހުމަށް ޗައިނާގެ ރައީސް ޝީ ޖީންޕިންގް ހުށަހެޅުމަށް، ބައިނަލްއަގުވާމީ ފެންވަރުގަ އޮފިޝަލުންނާއި ތަޖުރިބާކާރުން ތައުރީފުކޮށްފިއެވެ.
25 ވަނަ ސެއިންޓްޕީޓާސްބާގް އިންޓަނޭޝަނަލް އިކޮނޮމިކް ފޯރަމްގައި ދައުވަތު އެރުވިގެން ދެއްވި ތަގުރީރުގައި ޝީ ވަނީ، ބޮޑެތި ބަދަލުތަކަކާއި ދުނިޔެއަށް ކުރިމަތިލާން ޖެހިފައިވާ ކަން ފާހަގަ ކުރައްވާފައެވެ. އެގޮތުން، ޤަރުނެއްގެ ތެރޭގައި ދެކެފައި ނުވާ ފަދަ ބަލިމަޑުކަމަކާ ކުރިމަތިވުމާ، އިގުތިސޯދީ ބަވަނަވަންތަކަށް ތޫފާނީ ރޯޅިތައް އެރުމާއި، 2030 ވަނަ އަހަރު އަންނައިރު ހާސިލު ކުރުމަށް އދއިން ކަނޑައަޅާފައިވާ ދެމެހެއްޓެނިވި ތަރައްގީގެ އެޖެންޑާ ހާސިލު ކުރުމަށް، ތާރީހު ނުދެކޭ ވަރުގެ ގޮންޖެހުންތަކާ ކުރިމަތިވެފައިވާ ކަން ޝީ ވަނީ ފާހަގަކުރައްވާފައެވެ.
އެންމެނަށް އިންސާފުވެރި، ދެމެހެއްޓެނިވި އަދި ރައްކާތެރި ތަރައްގީ ހާސިލު ކުރުމަށް ބައިނަލްއަގުވާމީ މުޖުތަމައު ތެދުވެ އޮތް އަދުގެ މި ޒަމާނުގައި، ސުލްހައާއި ތަރައްގީ ހިއްސާކުރާ މުސްތަގުބަލެއް ހޯދުމަށްޓަކާ، ގައުމުތަކަށް ލިބޭ ފުރުސަތުތަކުގެ ބޭނުން ހިފާ، ގޮންޖެހުންތަކާ ކުރިމަތިލާ، ގްލޯބަލް ޑިވަލޮޕްމަންޓް އިނިޝިއޭޓިވްގެ މަސައްކަތްތައް ކުރަން ޖެހޭ ކަމަށް ޝީ ވިދާޅުވިއެވެ.
ޒެމްބިއާއިންވެސް ވަނީ ޝީގެ ވާހަކަފުޅަށް ތައުރީފުކޮށްފައެވެ.
ޝީ ވަނީ ގުޅުންތައް ބަދަހިކޮށް، ތަރައްގީގެ ސިޔާސަތުތައް އެކުލަވާލުމުގައި ލުއި ގޮތްތައް އިހުތިޔާރު ކުރުމަށް ބާރު އަޅުއްވާފައެވެ. އަދި ސަޕްލައި ޗޭނުތައް އަރާ ބުރޫތައް ކުޑަކޮށް، ދަތިކުރުމުގެ ފިޔަވަޅުތަކުން އެއްކިބާވެ، ފިއްތުންތަކުން ސަލާމަތްވެ، ވިޔަފާރީގެ ހުރަސްތައް ނައްތާލުމަށްވެސް ޝީ ވަނީ ހިތްވަރު ދެއްވާފައެވެ. އަދި ދުނިޔެއަށް މިއަދު ކުރިމަތިލާން ޖެހިފައިވާ ކާބޯތަކެއްޗާއި ހަކަތައިގެ ކާރިސާއިން އަރައިގަނެ، ދުނިޔޭގެ އިގުތިސާދީ ރޫހު، ދިރުވާ އާލާ ކުރުމަށްވެސް ޝީ ވަނީ ބާރު އަޅުއްވާފައެވެ.
އެ ގައުމު އަބަދުވެސް ދެމި އޮންނާނީ މަތީ ފެންވަރުގެ ތަރައްގީ ޕްރޮމޯޓް ކުރުމުގައި ކަމަށްވެސް ދުނިޔޭގެ އެންމެ ވަރުގަދަ އިގުތިސާދުގެ މަގާމަށް ފައިވިއްދައިގެން އޮތް ޗައިނާގެ ރައީސް ވަނީ ވިދާޅުވެފައެވެ. އަދި ގައުމުތަކުގެ ތަރައްގީއާއި ކުރިއެރުންތައް ހިއްސާ ކުރުމަށްވެސް ޗައިނާ އޮންނާނީ ތައްޔާރަށް ކަމަށް ޝީ ވަނީ ވިދާޅުވެފައެވެ.
