ޗެމްޕިއަންސްލީގުގެ މޮޅު ކުޅުންތެރިއަކަށް ބެންޒިމާ

ޗެމްޕިއަންސްލީގުގެ އެންމެ މޮޅު ކުޅުންތެރިއަކަށް ރެއާލް މެޑްރިޑްގެ ފްރާންސް ފޯވާޑް ކަރީމް ބެންޒިމާ ހޮވައިފިއެވެ.

ބެލޮންޑިއޯ އެވޯޑް ހޯދާނެކަމަށް ގިނަބަޔަކު ޤަބޫލުކުރާ ބެންޒިމާ ވަނީ އޭނާގެ ކެރިއަރުގައި ފަސްވަނަ ފަހަރަށް ޗެމްޕިއަންސްލީގު ކާމިޔާބުކޮށްފައެވެ. ފަސް ފަހަރުވެސް މުބާރާތް ކާމިޔާބުކުރީ ރެއާލް މެޑްރިޑާއެކުއެވެ. އެންމެ ފަހުން ނިމިގެން ދިޔަ ސީޒަންގެ މުބާރާތް ބެންޒިމާ ރެއާލްއާއެކު ކާމިޔާބުކުރީ އެންމެ ގިނަ ލަނޑު ޖެހި ކުޅުންތެރިޔާގެ ގޮތުގައެވެ. މުބާރާތުގައި ކުޅުނު 12 މެޗުން ބެންޒިމާ 15 ލަނޑު ޖެހިއެވެ.

މުބާރާތުގެ އެންމެ މޮޅު ޒުވާން ކުޅުންތެރިއަކީ ފައިނަލް މެޗުގެ ހަމައެކަނި ލަނޑު ލިވަޕޫލް ކޮޅަށް ޖެހި ބްރެޒިލްގެ ވިނީޝިއުސް ޖޫނިއަރއެވެ. 21 އަހަރުގެ ވިނީޝިއުސް ވަނީ މުބާރާތުގައި މުބާރާތުގައި ހަތަރު ގޯލް ޖަހާ ހަގޯލް ޖަހަން ފުރުޞަތު ތަނަވަސްކޮށްދީފައެވެ. މިދެ ކުޅުންތެރިންގެ އިތުރުން ޔުއެފާގެ ޓެކްނިކަލް ކޮމިޓީން ހޮވި އެންމެ މޮޅު ޓީމްގެ ކުރި ބަލަހައްޓަނީ އެމްބާއްޕޭއެވެ. ޓީމްގައި ހިމެނޭ ރެއާލް މެޑްރިޑްގެ އެހެން ކުޅުންތެރިންނަކީ މިޑްފީލްޑަރ ލުކަ މޮޑްރިޗްއާއި, ކީޕަރު ކޯޓުއާއެވެ. ޓީމްގައި ލިވަޕޫލުން ހިމެނެނީ ޑިފެންޑަރ އަލެގްޒަންޑަރ އާނޯލްޑްއާއި, ވެންޑައިކްއާއި, އެންޑީ ރޮބަޓްސަންއާއި, މިޑްފީލްޑަރ ފަބީނިއޯއެވެ. ޓީމްގައި ދެން ހިމެނެނީ ސިޓީގެ މިޑްފީލްޑަރ ކެވިން ޑި ބުރައިނާއާއި, ޗެލްސީގެ ޑިފެންޑަރ ރުޑިގާއެވެ.