ނޭޝަނަލް ކޮލެޖް އޮފް ޕޮލިސިން އެންޑް ލޯ އެންފޯސްމަންޓްގެ ހެޑްގެ މަގާމަށް ސްޕްރިޓެންޑެންޓް އޮފް ޕޮލިސް އަހުމަދު ޝިފާން އައްޔަން ކޮށްފިއެވެ.
އޭނާ މި މަގާމަށް އައްޔަން ކޮށްފައިވަނީ އަންގާރަ ދުވަހުއެވެ. ޝިފާން ކުރިން ހުންނެވީ މާލެ ސިޓީ ޕޮލިސްގެ ހެޑްގެ މަގާމުގައެވެ.
އައްޑޫސިޓީގައި ހަދާފައިވާ ޕޮލިސް ކޮލެޖް މިއަހަރު ހުޅުވައި ކިޔަވައިދޭން ވަނީ ފަށާފައެވެ. އެގތޮުން މި ކޮލެޖުގައި އެންމެ ފުރަތަމަ ކިޔަވދޭން ފަށާފައިވަނީ ޑިޕްލޮމާ އިން ކްރިމިނަލް އިންވެސްޓިގޭޝަން ކޯހެވެ.
މޯލްޑިވްސް ޕޮލިސް ސާވިސަސް އިން ވަނީ އަންގާރަ ދުވަހުން ފެށިގެން އެ އިދާރާގެ ހިންގުމުގައި ހިމެނޭ ބަހާތަކުގެ ބައެއް މަގާމުތަކަށް ބަދަލު ގެނެސްފައެވެ. މީގެ ތެރޭގައި ޕޮލިސް ކޮލެޖުގެ އިތުރުން މާލެ ސިޓީ ޕޮލިސްގެ ހެޑްގެ މަގާމަށާއި ސެންޓަރ ފޯ އެޕްލައިޑް ޕޮލިސިންގެ ހެޑްގެ މަގާމަށް ވެސް ބޭފުޅަކު ވަނީ އައްޔަން ކޮށްފައެވެ.
މާލެ ސީޓީ ޕޮލިސްގެ ހެޑަކަށް އައްޔަން ކޮށްފައިވަނީ ހެޑް އޮފް ސްޕެޝަލިސްޓް ޓެކްޓިކަލް ރެސްޕޯންސްގެ މަގާމުގައި ކުރިން ހުންނެވި ސުޕްރިޓެންޑެންޓް އޮފް ޕޮލިސް ހުސައިން ސަމީރުއެވެ. އަދި ސެންޓަރ ފޮރ އެޕްލައިޑް ޕޮލިސިންގެ ހެޑަކަށް އަންޔަން ކޮށްފައިވަނީ ޗީފް އިންސްޕެކްޓަރ އޮފް ޕޮލިސް މުޙައްމަދު ޞަބާހުއެވެ. އޭނާ ކުރިން ހުންނެވީ ހެޑް އޮފް ހައި ވިޒިބިލިޓީ ޕޮލިސިންގ ޔުނިޓުގެ މަގާމުގައެވެ.
