މިއަހަރުގެ އަމީރުލް ޙައްޖުގެ ގޮތުގައި އިސްލާމިކް މިނިސްޓަރ ހަމަޖައްސަވައިފި
އަމީރުއްލަ ޙައްޖުގެ ގޮތުގައިރައީސް ހަަޖެއްސެވީ މިނިސްޓަރ
އިސްލާމިކް މިނިސްޓަރ ޑރ. އަހުމަދު ޒާހިރު އަލީ
މިއަހަރު ރާއްޖޭން ޙައްޖަށް ދާ މިހުންގެ ކަންކަން ބެލެހެއްޓުމަށް އަމީރުލް ޙައްޖުގެ ގޮތުގައި އިސްލާމިކް މިނިސްޓަރ ޑރ. އަހުމަދު ޒާހިރު ހަމަޖައްސަވައިފިއެވެ.
މިއަހަރު އެ މަޤާމަށް އިސްލާމިކް މިނިސްޓަރ ހަމަޖެއްސެވީ ރައީސުލްޖުމްހޫރިއްޔާ އިބްރާހިމް މުޙައްމަދު ސޯލިހުއެވެ. މިއާއެކު ރާއްޖޭން ޙައްޖަށް ދާ މީހުންގެ ކަންކަން އެންމެ އިސްކޮށް ހުންނަވައިގެން ބަލަހައްޓަވާނި މިނިސްޓަރ އެވެ.
ސައުދީން މިއަހަރު ރާއްޖެެއިން ޙައްޖަށް ދިއުމަށް ދީފައިވަނީ 453 ކޯޓާއެވެ. މި ކޯޓާގައި މީހުން ގެންދިއުމަށް ހަވާލު ކޮށްފައިވަނީ ޙައްޖު ކޯޕަރޭޝަންއާއިއެވެ.
ޙައްޖު ކޯޕަރޭޝަންއާއި ހަވާލު ކުރި 453 ކޯޓާގެ ތެރެއިން 353 ކޯޓާ ދޫކުރާނީ އެ ކޯޕަރޭޝަނުގައި މިހާރު ވެސް ކިޔޫގައި ތިބި ފަރާތްތަކަށެެވެ. ބާކީ 100 ކޯޓާއަށް އެދުމުގެ ފުރުސަތު މިހާރު ވަނީ އާއްމުންނަށް ހުޅުވާލާފައެވެ.
މިއަހަރު ހައްޖު ކޯޕަރޭޝަނުން ހައްޖަށް ގެންދިއުމަށް ކަނޑައަޅާފައިވާ އަގަކީ މީހަކަށް 76،960 ރުފިޔާއެވެ.
ހައްޖަށް ދިއުމަށް ހުޅުވާލި 100 ޖާގައަށް އެދި ފޯމު ހުށަހެޅުމުގެ ފުރުސަތު 30 މެއި 2022ން ފެށިގެން 2 ޖޫން 2022އާ ހަމައަށް ހުޅުވާލާފައިވާއިރު، ކޮންމެ ދުވަހެއްގެ މެންދުރު 1:00ން ހަވީރު 6:00ށް ފޯމު ބަލައިގަންނާނެއެވެ. ފޯމުތައް ބަލައިގަންނާނީ އިސްލާމީ މަރުކަޒުގެ ޖަލްސާކުރާ މާލަމުންނެވެ.
މި 100 ޖާގަ ދޫކުރާނީ ފޯމު ހުށަހަޅާ މީހުންގެ ތެރެއިން އާއްމުކޮށް ހުޅުވާލައިގެން ނެގޭ ގުރުއަތަކުން ހޮވޭ މީހުންނަށެވެ.
ސައުދީން ނިންމާފައިވާ ގޮތުގައި މިއަހަރު ޙައްޖަށް ދެވޭނީ 65 އަހަރުން ދަށުގެ މީހުންނަށް އެކަންޏެވެ. އަދި ޙައްޖަށް ދާއިރު ކޮވިޑް ނެގެޓިވް ޓެސްޓެއް ވެސް ގެންދަން ޖެހޭނެއެވެ.
