ކ. މާލެ
|
30 މެއި 2022 | ހޯމަ 17:07
ވެއްޓުނު، ނޭޕާލްގެ ތާރާ އެއަރގެ ފްލައިޓް: 20 މީހުންގެ ހަށިގަނޑު މިހާރު ވަނީ ފެނިފައި
ވެއްޓުނު، ނޭޕާލްގެ ތާރާ އެއަރގެ ފްލައިޓް: 20 މީހުންގެ ހަށިގަނޑު މިހާރު ވަނީ ފެނިފައި
ރޮއިޓާސް
ނޭޕާލްގެ ތާރާ އެއަރގެ ފްލައިޓެއް ވެއްޓުން
ވެއްޓުނު، ތާރާ އެއަރގެ ފްލައިޓުން އެއްވެސް މީހަކު ސަލާމަތްވިކަމަށް ގަބޫލެއްނުކުރެވޭ
 
ފްލައިޓް ހޯދަމުން ދަނިކޮށް ފެނިފައިވަނީ މުސްޓަންގް ޑިސްޓްރިކްޓްގެ ސަނޮސްވެއަރއިން
 
ފްލައިޓްގައި ދަތުރުކުރަމުންދިޔަ މީހުންގެ ތެރެއިން 20 މީހުންގެ ހަށިގަނޑު މިހާރު ވަނީ ހޯދާފައި
 
ހޯދިފައިވަނީ ކޮންބައެއްގެ ހަށިގަނޑުކަން އަދި ކަށަވަރުކުރެވިފައެއްނުވޭ

ނޭޕާލްގެ ތާރާ އެއަރގެ ފްލައިޓުން ދަތުރުކުރި އެއްވެސް މީހަކު ސަލާމަތްވާނެކަމަށް ގަބޫލުނުކުރެވޭކަމަށް ރިޕޯޓުތައް ބުނެފިއެވެ.

ބޭރުގެ މީޑިއާތަކުން ރިޕޯޓުކޮށްފައިވާގޮތުގައި ވެއްޓުނު ފްލައިޓް ވަނީ ހޯމަ ދުވަހު ހޯދާފައެވެ.

ނޭޕާލްގެ ހުޅަނގުގައި އޮންނަ އަވަށެއް ކަމަށްވާ ޕޮޚާރާއިން ހެނދުނު 9:55ގައި ފުރައިގެން ޖޮމްސަންއަށް ދަތުކުރަމުންގޮސް ފްލައިޓް ޖައްސަން 5 މިނެޓަށް ވެފައިވަނިކޮށް އެއަރ ޓްރެފިކް ކޮންޓްރޯލާ ގުޅުން ކެނޑިފައިވާކަމަށް ރިޕޯޓުތައް ބުނެއެވެ.

ފްލައިޓްގަައި 22 މީހުން ތިބިކަމަށް އެ އެއަރލައިނާ ހަވާލާދީ ރިޕޯޓުކޮށްފައިވެއެވެ. އެއީ 19 ފަސިންޖަރުންނާއި 3 ކްރޫއިންނެވެ. އޭގެތެރޭގައި އިންޑިއާގެ 4 މީހުންނާއި ޖަރުމަނުގެ 2 މީހުންނާއި ނޭޕާލްގެ 14 މީހުންނާއި ކޮންގައުމެއްގެ ބައެއްކަން ނޭނގޭ 2 މީހުން ތިބިކަމަށް ސީއެންއެންއިން ރިޕޯޓުކޮށްފައިވެއެވެ.

ނޭޕާލްގެ މިނިސްޓްރީ އޮފް ހޯމް އެފެއަރޒްގެ ތަރުޖަމާނާ ހަވާލާދީ ރިޕޯޓުކޮށްފައިވާ ގޮތުން، ފްލައިޓް ގެއްލުމުމުގެ ރިޕޯޓް ލިބުމާއެކު ފްލައިޓް ހޯދުމުގެ އޮޕަރޭޝަން ވަނީ ފަށާފައެވެ. ނަމަވެސް މޫސުން ގޯސްވުމުގެ ސަބަބުން އެކަމުގައި ދަތިތަކާ ކުރިމަތިވިއެވެ.

ފްލައިޓްގެ ޕައިލެޓުގެ ފޯނު، ޖީޕީއެސް މެދުވެރިކޮށް ނޭޕާލް ޓެލެކޮމްއިން ހޯދައިގެން ފްލައިޓް ހޯދުމުގެ މަސައްކަތްވެސް ކަމާބެހޭ އިދާރާތަކުން ކުރިއެވެ.

ނޭޕާލްގެ ޗީފް ޑިސްޓްރިކްޓް އޮފިސަރެއް ކަމަށްވާ ނެތުރާ ޕްރަޝާދު ޝަރްމާއާ ހަވާލާދީ ޓައިމްސް އޮފް އިންޑިއާގައި ރިޕޯޓުކޮށްފައިވާ ގޮތުން، މުސްޓަންގް ޑިސްޓްރިކްޓުން އުދުހިފައި ގޮސް ދައުލަގިރި ފަރުބަދަ ކައިރިން ތާރާ އެއަރގެ ފްލައިޓް ދަތުރުކުރަމުން ދަނިކޮށް ވަނީ ފެނިފައެވެ.

ފްލައިޓް ހޯދަމުން ދަނިކޮށް ފެނިފައި ވަނީ މުސްޓަންގް ޑިސްޓްރިކްޓްގެ ސަނޮސްވެއަރ އިންނެވެ. އަދި ފްލައިޓްގައި ދަތުރުކުރަމުންދިޔަ މީހުންގެ ތެރެއިން 20 މީހުންގެ ހަށިގަނޑު މިހާރު ހޯދިފައިވާއިރު، ބާކީ ތިބި މީހުން ހޯދުމުގެ މަސައްކަތްކުރާނެކަމަށް ނޭޕާލްގެ ކަމާގުޅުންހުރި އިދާރާތަކުން ވަނީ ބުނެފައެވެ. އެހެން ނަމަވެސް ރޮއިޓަރސްގައި ރިޕޯޓުކޮށްފައިވާ ގޮތުން ބާކީ ތިބި ދެ މީހުންގެ ހަށިގަނޑު ސަލާމަތުން ފެނުމަކީ ދުރުގައިވާކަމެކެވެ.

ސީއެންއެންގައި ރިޕޯޓުކޮށްފައިވާގޮތުން، ހޯދިފައި ވަނީ ކޮންބައެއްގެ ހަށިގަނޑުތޯ އަދި ކަށަވަރު ކުރެވިފައެއް ނުވެއެވެ. ހުރިހާ ފަސިންޖަރުންގެ ހަށިގަނޑު ހޯދުމަށްފަހު ކަތަމަންޑޫއަށް ގެންދެވޭނެ ކަމަށްވެސް ރިޕޯޓުތައް ބުނެއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އައިޝަތު ރިޔާޒް
0%
0%
0%
100%
0%
0%
ކޮމެންޓް