ޕެރޫގެ ވެރިރަށް ކަމުގައިވާ ލިމާގެ މަގުތަކަށް ތަފާތު އެކި ކުލަތަކުން ހެދިގެން ތިބި ކްލައުންތައް ބުދަ ދުވަހު ނުކުތީ އެ އަވަށުގެ ގަދީމީ ކްލައުން ޑޭ ފާހަގަ ކުރުމަށެވެ.

ބޮޑެތި ބޫޓުތަކާއި، ކުލަތަކުން ޖަރީކޮށްފައިވާ މޫނުތައް އަދި އޮރިޖިނަލް ވިގްސް ނުވަތަ އިސްތަށިގަނޑު އަޅައިގެން ތިބި މީހުން ދިޔައީ ލީމާގެ މަގުތަކުގައި ޕެރޭޑެއް ގޮތަށް އެމީހުންގެ ހަރަކާތްތައް ދައްކަމުންނެވެ. އެމީހުންގެ މި ހަރަކާތްތައް ބަލަން އެތައް ހާސް ބަޔަކު މަގުތަކަށް ނުކުމެ ތިބި އިރު އެމީހުންގެ މޫނުމަޔިން ފެނިގެން ދިޔައީ އުފާވެރިކަމެވެ.

ޕެރުވިއަންސް ކްލައުންސްޑޭ ފާހަގަކުރަމުން އަންނަނީ 1987 ވަނަ އަހަރުން ފެށިގެންނެވެ. މިއީ ޖޯސް އަލްވަރެސް ވެލެޒް ނުވަތަ މަޝްހޫރު ނަމުން ނަމަ ޓޯނީ ޕެރެހިލް ނަމަކަށް ކިޔާ ކްލައުންއަކަށް ޓްރިބިއުޓެއް ދިނުމުގެ ގޮތުން ކޮންމެ އަހަރަކު ބާއްވާ ޕްރޭޑެކެވެ. އޭނާ އާންމުންގެ މެދުގައި މަޝްހޫރުވެފައިވަނީ ފަގީރުންގެ ކްލައުންގެ ގޮތުގައެވެ.

1980 ގެ އަހަރުތަކުގައި، އެކި ކުލަތަކުން ހަދާފައިވާ ޓެންޓެއް ހިފައިގެން ޓޯނީ ދިރިއުޅެފައިވަނީ ލިމާގެ އެކި ހިސާބުތަކުގައެވެ. އޭނާ ކުރި މަސައްކަތަކީ މީހުން ހެއްވުމަކީ އުފާވެރިކަން އާންމުންގެ ތެރެއަށް ގެނައުމެވެ. ނަމަޗެސް އޭނާގެ ފަހު ދުވަސްތަށް އެނދުމަތިވެފައި އޮވެ މަރުވީ އެ އަވަށުގެ ހޮސްޕިޓަލެއްގައި އެކަނި އޮވެއެވެ.