ކޮމްޕެނީ ބާންލީއާ ހަވާލުވަނީ!
26 މެއި 2022 | ބުރާސްފަތި 03:08ކޮމްޕެނީއަށް ރަނގަޅު ދެ ހުށަހެޅުމެއް އެބައޮތް
ކޮމްޕެނީ ސިޓީއަށް ކުޅުނުއިރު: ފޮޓޯ-ކޮމްޕެނީ ޓްވީޓަރ
މެންޗެސްޓަރ ސިޓީގެ ކުރީގެ ކާމިޔާބު ކެޕްޓަން ވިންސެންޓް ކޮމްޕެނީ ޕްރިމިއަރ ލީގުން ރެލިގޭޓްވި ބާންލީއާ ހަވާލުވުމުގެ މަޝްވަރާތައް ފަށައިފިއެވެ.
ކޮމްޕެނީ ވަނީ ބެލްޖިއަމްގައި ކުރަމުން އައިކޯޗިންގ މަސައްކަތްތައް ހުއްޓާލާފައެވެ. އޭނާއަށް ޤައުމުން ބޭރުން ރަނގަޅު ދެ ހުށަހެޅުމެއް ލިބިފައިވާކަމަށް ރިޕޯރޓްތައް ބުނެއެވެ. ޗެމްޕިއަންޝިޕަށް ރެލިގޭޓްވެފައިވާ ބާންލީން ވަނީ 36 އހަަރުގެ ކޮމްޕެނީއަށް ޝައުޤުވެރިކަން ފާޅުކޮށްފައެވެ. ބާންލީގެ ފުރަތަމަ ޗޮއިސްއަކީވެސް މެންޗެސްޓަރ ސިޓީއާއެކު ޕްރިމިއަރ ލީގު އުފުލާލި ވަރުގަދަ ޑިފެންޑަރ ކޮމްޕެނީއެވެ.
ބާންލީން ވަނީ މިސީޒަންގައި އެކަލަބަށް ދިގު މުއްދަތެއްގައި އިރުޝާދުދިން ޝޯން ޑައިޝް ކޯޗުކަމުން ވަކިކޮށްފައެވެ. ވަގުތީކޯޗު މައިކް ޖެކްސަންއަށްވެސް ކްލަބް ރެލިގޭޓެވިޔަ ނުދީ ސަލާމަތްނުކޮށްދެވުނެވެ. ކޮމްޕެނީ ވަނީ މެންޗެސްޓަރ ސިޓީގައި ހޭދަކުރި 11 އަހަރުގެ ތެރޭގައި 4 ޕްރިމިއަރ ލީގު އުފުލާލާފައެވެ. އެމުއްދަތުގައި 11 ތަށި ހޯދިއެވެ. ފުރަތަމަ ކޯޗިންގ މަސައްކަތް ފެށީ ކުޅުންތެރިއެއްގެ ގިތުގައާވެސް އެކުއެވެ. ކޯޗިންގއަށް ހުސްވީ 2020 ވަނަ އަހަރުއެވެ.
