ސަފާރީއަކާއި މުދާ އުފުލާ ދޯންޏެއް ޖެހި، އެކްސިޑެންޓެއް ހިނގައި އެ ދޯނި ފަޅައިގެން ގޮސް އަޑިއަށް ހިނގައްޖެއެވެ.
އެމްއެންޑީއެފުން ބުނީ، މާލޭ ހުޅަނގުފަރާތު ކަނޑުމަތިން ސަފާރީއަކާއި މުދާ އުފުލާ ދޯންޏެއް ޖެހި، އެކްސިޑެންޓެއް ހިނގާފައިވާ ކަމަށެވެ.
މި އެކްސިޑެންޓް ހިނގުމާ ގުޅިގެން އެމްއެންޑީއެފް މާލޭ އޭރިއާ ކޯސްޓްގާޑު ސްކޮޑްރަންއިން ދަނީ މިހާރު އެ ސަރަހައްދުގައި ހަރަކާތްތެރިވަމުންނެވެ. އެގޮތުން ކެރޭނެއްގެ އެހީގައި އެ އުޅަނދު ފެންމަތިކުރުމުގެ މަސައްކަތް ދަނީ ކުރަމުންނެވެ.
އެ ދޯނި އޮތީ ގިނަ އަދަދެއްގެ ލަކުޑި ބަރުކޮށްފައެވެ. އެ ދޯނި އަޑިއަށް ދިޔައީ މާލޭގެ ޓީ ޖެޓީ ސަރަޙައްދަށް ވަތްފަހުންކަމަށް އެމްއެންޑީއެފުން މައުލޫމާތުދެއެވެ.
