"1 ލައްކަ ގަސް" ޕްރޮގްރާމުގެ ދަށުން، ކަނބާ އައިސާރަނި ހިނގުމުގައި ގަސް އިންދައިފި
ގަސް އިންދާފައިވަނީ ތާޖުއްދީން ސްކޫލް ސަރަޙައްދުގައި
މާލެ ސިޓީ ކައުންސިލުން ކުރިޔަށްގެންދާ ގަސް އިންދުމުގެ ޕްރޮގްރާމްގެ ތެރެއިން
މާލެ ސިޓީ ކައުންސިލްގެ "1 ލައްކަ ގަސް" ޕްރޮގްރާމުގެ ދަށުން ކަނބާ އައިސާރަނި ހިނގުމުގައި ގަސް އިންދައިފިއެވެ.
މި ޕްރޮގްރާމުގެ ދަށުން ގަސް އިންދާފައިވަނީ މާލެ ސިޓީ ކައުންސިލްގެ 4 ވަނަ ދައުރަށް 1 އަހަރު ފުރުނު އަހަރީ ދުވަހުއެވެ. ގަސް އިންދާފައިވަނީ ތާޖުއްދީން ސްކޫލް ސަރަޙައްދުގައެވެ.
ކަނބާ އައިސާރަނި ހިނގުމުގައި އިންދާފައިވަނީ 10 އަނބު ގަހެވެ.
މި ހަރަކާތާ ގުޅިގެން މާލެސިޓީގެ މޭޔަރު ޑރ. މުހައްމަދު މުއިއްޒު ކުރެއްވި ޓްވީޓެއްގައި ވިދާޅުވީ، މިއީ މާލެ ފެހިކޮށް ޗާލު ސިޓީ އަކަށް ހެދުމަށްޓަކައި ސިޓީ ކައުންސިލުން ކުރަން ރޭވިފައިވާ މަސައްކަތްތަކުގެ ތެރެއިން ފެށިފައިވާ މަސައްކަތެއް ކަމަށެވެ. އަމާޒަކީ މާލޭގެ އެކި މަގުތަކާއި މައިދާން ތަކުގައި ގަސް އިންދުން ކަމަށް މޭޔަރުގެ ޓްވީޓްގައި ފާހަގަކުރެއްވިއެވެ.
މާލެ ސިޓީ ކައުންގެ އަމާޒަކީ މާލޭގެ ހުރިހާ ސަރަހައްދެއްގައި، ރައްޔިތުންގެ އެއްބާރުލުމާއެކު މި ޕްރޮގުރާމު ކުރިޔަށް ގެންދިޔުންކަމަށް ކައުންސިލުން ބުނެއެވެ.
