އެމްއެމްޕީއާރްސީއާ ގުޅޭ 3 ފަޅަކާ ގުޅިގެން، ދަރަންޏެއް ނުވަތަ މައްސަލަައެއް އޮތްތޯ ސާފުކުރަނީ
18 މޭ އިން ފެށިގެން 14 ދުވަހުގެ ތެރޭގައި، އޮފީސް ބަންދުކުރުމުގެ ކުރިން ކުރިން ހުށައެޅޭނެ
ޓުއަރިޒަމް
އެމްއެމްޕީއާރްސީއާ ގުޅޭ 3 ފަޅަކާ ގުޅިގެން ދަރަންޏެއް ނުވަތަ މައްސަލަައެއް އޮތްތޯ ސާފުކުރުމަށް ޓޫރިޒަމް މިނިސްޓްރީން އިއުލާނުކޮށްފިއެވެ.
ބުދަ ދުވަހު ޓޫރިޒަމް މިނިސްޓްރީން ވަނީ ޓޫރިސްޓް ރިޒޯޓެއް ތަރައްގީކުރުމަށް މިނިސްޓްރީން ކުއްޔަށް ދޫކޮށްފައިވާ ކ. ތޮޅިމަރާހުރާ ފަޅުގެ އިތުރުން، މާލެ އަތޮޅުގެ ދެ ފަޅަކާއި ގުޅިގެން ދަރަންޏެއް ނުވަތަ މައްސަލަައެއް އޮތްތޯ ސާފުކުރުމަށް އިއުލާނުކޮށްފައެވެ.
މިނިސްޓްރީން ބުނާގޮތުގައި އެ ފަޅުތައް ކުއްޔަށް ދިނުމާބެހޭ ލީސް އެގްރީމަންޓްގެ ދަށުން، ފަޅުތައް ކުއްޔަށް ހިފާފައިވާ ފަރާތަށް ލިބިދީފައިވާ އެންމެހާ ހައްގުތައް، އެހެން ފަރާތްތަކަށް ބަދަލު ކުރުމުގެ ހުއްދައަށް އެދި ވަނީ ހުށައަޅާފައެވެ.
ވުމާއެކު، އެ ފަޅުތަކާއި ގުޅިގެން އެއްވެސް ދަރަންޏެއް ނުވަތަ މައްސަލައެއް އޮތްފަރާތެއް ވާނަމަ، 18 މޭ އިން ފެށިގެން 14 ދުވަހުގެ ތެރޭގައި އޮފީސް ބަންދުކުރުމުގެ ކުރިން، މިނިސްޓްރީއަށް ލިޔުމަކުން އެންގުމަށް ވަނީ އެދިފައެވެ.
