އެމްއޭސީއެލްގެ ޗެއަރޕާސަންގެ މަޤާމަށް އައިޝާ ނޫރައިން ޖަނާހު އައްޔަނުކޮށްފި
29 މެއި 2025 | ބުރާސްފަތި 12:37ނޫރައިން މިމަޤާމަށް އައްޔަންކުރައްވާފައިވަނީ 29 މެއި 2025 ގައި
އެމްއެމްޕީއާރްސީގެ ޗެއާޕާސަން އައިޝާ ނޫރައިން ޖަނާހް
މޯލްޑިވްސް އެއަރޕޯޓްސް ކޮމްޕެނީ ލިމިޓެޑް - އެމްއޭސީއެލްގެ ޗެއަރޕާސަންގެ މަޤާމަށް ހ. ސީސައިޑް އަލްފާޟިލާ އައިޝާ ނޫރައިން ޖަނާހު ވަނީ އައްޔަނުކޮށްފި އެވެ.
ޕްރައިވެޓައިޒޭޝަން އެންޑް ކޯޕަރައިޓޭޒޭޝަން ބޯޑުން ބުނެފައިވަނީ ނޫރައިން މިމަޤާމަށް އައްޔަންކުރައްވާފައިވަނީ 29 މެއި 2025 ގައި ކަމަށެވެ.
ރާއްޖޭގެ ފަތުރުވެރިކަން އިސްތިހާރުކޮށް، ފަތުރުވެރިކަން ކުރިއެރުވުމަށް އުފައްދާފައިވާ ކުންފުނި، އެމްއެމްޕީއާރްސީގެ ޗެއަރޕަރސަނަކަށް ރައީސް ޑރ. މުހައްމަދު މުއިއްޒު، އާއިޝާ ނޫރައިން ޖަނާހު ވަނީ އެމްއެމްޕީއާރްސީގެ ޗެއަރޕާސަން މަޤާމަށް 2023ގެ ޑިސެމްބަރު 27ގައި އައްޔަންކުރައްވާފައެވެ. ނަމަވެސް ނޫރައިން އެމަޤާމުން އިސްތިއުފާ ދެއްވާފައިވަނީ 21 މެއި 2024 ގައެވެ.
ނޫރައިންއަކީ މަޝްހޫރު ވިޔަފާރިވެރިޔާ އަދި ރައީސް ޑރ. މުހައްމަދު މުއިއްޒުގެ ޓްރޭޑް އެންޑް އިންވެސްޓްމަންޓްގެ އެޑްވައިޒަރު މުހައްމަދު އަލީ ޖަނާހު ދަރިކަނބަލުންނެވެ.
ނިއުޒިލެންޑްގެ އެކި ޓްރަސްޓީ ބޯޑުތަކުގައި މެމްބަރުކަން ކުރައްވާފައިވާ ނޫރައިން ވަނީ ޔުނިވާސިޓީ އޮފް އޯކްލޭންޑުން ބެޗެލާސް ޑިގްރީ ހާސިލް ކުރައްވައިފައެވެ. އަދި އޭނާ އަކީ 10 އަހަރު ދުވަހުގެ މެނޭޖްމެންޓް ތަޖުރިބާ ހުރި ޗާޓާޑް އެކައުންޓެންޓެކެވެ. ނޫރައިން ވަނީ 2015 ވަނަ އަހަރު "ވެެއިޓްމަޓާ ލޯކަލް ބޯޑް ގޫޑް ސިޓިޒެން އެވޯޑް" ވެސް ހޯއްދަވައިފައެވެ. އަދި އޭނާ ވަނީ "އޮތެންޓިސިޓީ އެން ޒެޑް" ގެ ނަމުގައި ޖަމިއްޔާއެއް އުފައްދަވައި ވަޒީފާގެ ތަމްރީން ބޭނުންވާ އަންހެނުންނަށް އެހީތެރިވެދެއްވައިފައެވެ.
