ޔޫރަޕާ ލީގުގެ ޗެމްޕިއަންކަން ފްރޭންކްފާޓަށް
19 މެއި 2022 | ބުރާސްފަތި 04:23ފްރޭންކްފާޓް މޮޅުވީ ޕެނަލްޓީ ޖަހައިގެން 5-4ން
ޔޫރަޕާ ލީގުގެ ޗެމްޕިއަންކަން ފްރޭންކްފާޓުން ކާމިޔާބުކުރުން
އައިންޓްރަކްޓް ފްރޭންކްފާޓުން ޔޫރަޕާ ލީގުގެ ޗެމްޕިއަންކަން ހޯދައިފިއެވެ.
ފްރޭންކްފާޓުން މުބާރާތް ކާމިޔާބުކުރީ ފައިނަލް މެޗުގައި ރޭންޖާސް ބަލިކޮށްގެންނެވެ. މެޗުގެ ފުރިހަމަ ވަގުތު ހަމަވިއިރު ކޮންމެ ޓީމަކުންވެސް ވަނީ އެއް ލަނޑު ޖަހާފައެވެ. މެޗުގެ 57 ވަނަ މިނެޓުގައި ޖޯ އަރީބޯގެ ލަނޑުން ލީޑު ނެގީ ރޭންޖާސްއެވެ. ނަމަވެސް ފްރޭންކްފާޓް ވަނީ ލަނޑެއް ޖަހާ ނަތީޖާ ހަމަހަމަ ކޮށްފައެވެ. ފްރޭންކްފާޓުގެ ލަނޑު ޖަހައިދިނީ ރަފައެލް ސަންޓޯސް ބޯރޭއެވެ.
މެޗުގެ ފުރިހަމަ ވަގުތު ހަމަވިއިރު 1-1ން ނަތީޖާ އެއްވަރުވުމުގެ ސަބަބުން ނަތީޖާ ނެރުމަށް ކުޅުނު އިތުރު ވަގުތުގެ ދެހާފުގައި އެއްވެސް ޓީމަކަށް ލަނޑެއް ނުޖެހުނެވެ. ފްރޭންކްފާޓް މޮޅުވީ ޕެނަލްޓީ ޖަހައިގެން 5-4ންނެވެ. ރޭންޖާސް ބަލިވީ އެޓީމުގެ އާރޮން ރަމްސޭ ޖެހި ޕެނަލްޓީ ނާކާމިޔާބު ވުމުންނެވެ. ފްރޭންކްފާޓުން ވަނީ ފަސް ޕެނަލްޓީވެސް ކާމިޔާބު ކޮށްފައެވެ.
މިއީ 1980 ވަނަ އަހަރު ޔުއެފާ ކަޕް (މިހާރުގެ ޔޫރޮޕާ ލީގު) ކާމިޔާބުކުރި ފަހުން ފްރޭންކްފާޓަށް ޔޫރަޕުގައި ލިބުނު ފުރަތަމަ ކާމިޔާބީއެވެ.
