ދޯންޏެއްގެ ބައެއް އޮޔާދާތީ، ދަތުރުކުރާ ފަރާތްތަކުން ސަމާލުވުމަށް އިލްތިމާސްކޮށްފިއެވެ.
އެމްއެންޑީއެފް ކޯސްޓްގާޑު މެރިޓައިމް ރެސްކިޔު ކޯޑިނޭޝަން ސެންޓަރ (އެމްއާރުސީސީ)އިން ބުނެފައިވަނީ، ދޯންޏެއްގެ ބައެއް އޮޔާދާކަމުގެ މައުލޫމާތު އެ ސެންޓަރަށް ލިބިފައިވަނީ ހޮނިހިރު ދުވަހު 14:24ހާއިރު ކަމަށެވެ.
އެމްއެންޑީއެފުން ބުނީ، މާލެ އަތޮޅު އެރިޔަދޫ ރިސޯޓުގެ ދެ ނޯޓިކަލް މޭލު އުތުރުން، އިރުއުތުރަށް އުޅަނދެއްގެ ބައެއް އޮޔާދާތީ، އެ ސަރަހައްދުން ދަތުރުކުރާ ފަރާތްތަކުން ސަމާލުކަންދިނުމަށް އިލްތިމާސްކުރާކަމަށެވެ.
އަދި ޚާއްސަގޮތެއްގައި ރޭގަނޑު އެ ސަރަހައްދުން ދަތުރު ކުރާއިރު، އުޅަނދުފަހަރުތަކުން އެކަމަށް ޚާއްސަ ސަމާލުކަމެއް ދިނުމަށްވެސް އެދޭކަމަށެވެ.
